Донор

Донор (лат. Dono — сыйлаймын) — шалаөткізгіштердегі өткізгіштік аймаққа электрон беру қабілеті бар қоспалық атом. Мысалы, Ge мен Si үшін негізгі Донор ретінде периодтық жүйенің V тобындағы элементтер Р, As, Sb қолданылады. Донор шалаөткізгіштің рұқсат етілмеген аймағында, донорлық деңгей деп аталатын жергілікті энергетикалық деңгейді құрады. Донорлық деңгей мен өткізгіштік аймақ арасындағы энергия айырымы, осыған сәйкес Донордың энергиясы, рұқсат етілмеген аймақтың енінен өлдеқайда кіші, шамамен 0,01эВ. Сондықтан донорлық шалаөткізгіште тіпті бөлме температурасының өзінде өткізгіштік аймақтағы электрондар концентрациясы валенттік аймақтағы кемтіктер концентрациясынан өлдеқайда көп. Мұндай шалаөткізгішті электрондық немесе n-типті деп атайды. Ал электрондарын беретін қоспаларды донорлық дейді. Донорлық, сондай-ақ акцепторлық қоспаларды енгізіп, таза шалаөткізгіштің өткізгіштігін кең ауқымда өзгертуге болады, осылайша р-n өткелдері жасалады.

Дереккөздер

1. Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6
2. О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова Аурудың алдын алу және сақтандыру бойынша орысша-қазақша терминологиялық сөздік. Шымкент. “Ғасыр-Ш”, 2005 жыл. ISBN 9965-752-06-0
3. Патологиялық анотомия терминдерінің орысша – латынша – қазақша түсініктеме сөздігі.- Ақтөбе. ISBN 9965-437-40-8