DolomiteDolomite and magnesite SpainНегізіСанаты МинералХимиялық формуласы CaMg CO3 205 AB 10Trigonal rhombohedral 3a 4

‎

Dolomite
Dolomite and magnesite – Spain
Негізі
Санаты	Минерал
Химиялық формуласы	(CaMg)(CO₃)₂
	05.AB.10
	Trigonal rhombohedral, 3
	a = 4.8012(1) Å, c = 16.002 Å; Z = 3
Ерекшеліктері
Түсі	White, gray to pink
	Tabular crystals, often with curved faces, also columnar, stalactitic, granular, massive.

	Common as simple contact twins
	Perfect on {1011}, rhombohedral cleavage
	Conchoidal
Беріктігі	Brittle
бойынша минерал қаттылығы	3.5 to 4
	White
	2.84–2.86
Оптикалық сипаты	Uniaxial (-)
	n_ω = 1.679–1.681 n_ε = 1.500
	δ = 0.179–0.181
	Poorly soluble in dilute unless powdered.
Басқа сипаттамалары	May fluoresce white to pink under UV; triboluminescent.
Дереккөздер

Доломит (француз геологы Д.Доломьенің есімімен аталған) – 1) карбонаттар класының минералы [CaMg (СО₃)₂]. Тригональдық сингонияда кристалданады. Кристалдары ромбоэдр, призма пішіндес. Ірі кристалды агрегаттары гидротермальдық түзілімдер мен қайта кристалданған карбонатты қабаттарда кездеседі. Түсі сұрғылт ақ, кейде сарғыш, қоңыр немесе жасыл реңді болады. Қаттылығы 3,5 – 4, меншікті салмағы 2,85 г/см³, шыныдай жылтыр, морт сынғыш; 2) негізінен Доломит минералынан тұратын шөгінді карбонатты тау жынысы. Негізгі қоспалары кальцит, ангидрит. Доломит әдетте әктаспен бірге кездеседі және құрамындағы Доломитің мөлшеріне байланысты әктас Доломит (95 – 75%) және Доломитті әктас (50%-дан аз) болып бөлінеді. Егер негізгі қоспа – ангидрит болса, тау жынысы ангидритті Доломит, саз болса Доломиті мергель, құм болса құмды Доломит деп аталады. Доломит кембрийге дейінгі және палеозой шөгінділерінде кең таралған. Ол металлургияда (отқа төзімді материал, флюс ретінде), шыны өнеркәсібінде, глазурь және ақ магнезит әзірлеуде, сондай-ақ ауыл шаруашылығында топырақтың қышқылдығын азайту үшін қолданылады.

Доломит ұнтағы

Сырт көрінісі ұнға яки құмға ұқсайтын доломит кристалшаларынан тұратын борпылдақ та сусымалы масса. Доломит ұнтағы доломитпен жақсы қаныққан аймақгардың морылу қыртыстарында доломитті таужыныстың бірте-бірте босаңсуы және тандамалы түрде шаймалануы нәтижесінде қалыптасады.

Балдырлық доломиттер

Балдыр тіршілігінің іздерін көптеп кіріктіретін доломиттер.

Туынды доломиттер

Әкті құрамды шөгіндінің яки таужыныстың доломитпен алмасуы нәтижесінде қалыптасқан доломиттер.

Диагенетикалық доломиттер

Әктасты шөгіндінің диагенезденуі сатысында сол әктастардың доломитпен алмасуы нәтижесінде қалыптасатын доломиттер.

Метасоматиттік доломиттер

Әкті шөгінділердің немесе таужыныстардың доломитпен алмасуы нәтижесінде қалыптасатын доломиттердің генетикалық типі.

Сынықты доломиттер

Карбонатты немесе сазды-карбонатты материалдармен дәнекерленген доломит сынықшаларынан тұратын таужыныстар.

Алғаш шөгінді доломиттер

Негізінен ашқылтым сулы алаптарда химиялық тұнбалану нәтижесінде түзілген доломиттердің генетикалық типі.

Седименттік-диагенетикалық доломиттер

Сепкіл-сепкіл сырт бейнесімен ерекшеленетін, әдетге линза тұрқылас денелер құрайтын бүкіл метасоматиттік доломиттер. Орыс ғалымы Страхов олардың қалыптасуын алғашында әкті-доломитті құрамды иеленген шөгінді таужыныстағы доломиттердің диагенез сатысында қайтадан таралуыньщ нәтижесі деп есептейді, алайда бұл тұжырым толығымен мойындалған ресми қағида емес.

Строматолиттік доломиттер

Негізінен строматолиттер мен олардың сынықшаларынан тұратын доломиттер; көне карбонатты қатқабаттарда кеңінен тараған.

Дереккөздер

Deer, W. A., R. A. Howie and J. Zussman (1966) An Introduction to the Rock Forming Minerals, Longman, pp. 489–493. ISBN 0-582-44210-9.
Dolomite. Handbook of Mineralogy. (PDF) . Retrieved on 2011-10-10.
Dolomite. Webmineral. Retrieved on 2011-10-10.
Dolomite. Mindat.org. Retrieved on 2011-10-10.
Кристаллография, минералогия, петрография. Бұл кітап Абай атындағы Қазақтың мемлекеттік педагогты институтының, география факультетінде оқылған лекциялардың негізінде жазылды, 1990. ISBN 2—9—3 254—69
Мұнай және газ геологиясы танымдық және кәсіптік-технологиялық терминдерінің түсіндірме сөздігі. Анықтамалық басылым. — Алматы: 2003 жыл. ISBN 9965-472-27-0

[1] Deer, W. A., R. A. Howie and J. Zussman (1966) An Introduction to the Rock Forming Minerals, Longman, pp. 489–493. ISBN 0-582-44210-9.

[2] Dolomite. Handbook of Mineralogy. (PDF) . Retrieved on 2011-10-10.

[3] Dolomite. Webmineral. Retrieved on 2011-10-10.

[4] Dolomite. Mindat.org. Retrieved on 2011-10-10.

[5] Кристаллография, минералогия, петрография. Бұл кітап Абай атындағы Қазақтың мемлекеттік педагогты институтының, география факультетінде оқылған лекциялардың негізінде жазылды, 1990. ISBN 2—9—3 254—69

[6] Мұнай және газ геологиясы танымдық және кәсіптік-технологиялық терминдерінің түсіндірме сөздігі. Анықтамалық басылым. — Алматы: 2003 жыл. ISBN 9965-472-27-0