Баян Өлгий аймақтық театры Моңғолияның Баян Өлгий аймағындағы қазақ музыкалы драма театры 1940 45 жылы аймақтық клуб 195

Баян Өлгий аймақтық театры – Моңғолияның Баян Өлгий аймағындағы қазақ музыкалы драма театры.

1940 - 45 жылы аймақтық клуб, 1956 жылдан бастап ұлттық музыкалық драма театры ретінде жұмыс істей бастады. Театр өз шымылдығын тұңғыш рет М.Құрманханның “Кезең үстінде” пьесасымен ашты. Аймақтық театр сахнасында Мұхтар Әуезовтің “Еңлік - Кебек”, Ғабит Мүсіреповтің “”, “Қозы Көрпеш – Баян Сұлу”, Әбділда Тәжібаевтың “Жалғыз ағаш орман емес”, Ә.Әбішевтің “Бір семья”, Ш.Хұсайыновтың “Көктем желі”, “Құдағи келіпті”, Ч.Чимэдтің “Жүрек әмірімен” және “Гудок дауысы”, Б.Ақтанның “Жамал мен Ермалай”, М.Құрманханның “Жасыл дөң”, “Тұлба шөл шайқасы”, пьесаларымен қатар Е.Г.Брусиловскийдің “Қыз Жібек”, Д.Дамдисурэннің “Жұмбақ төбелер”, М.Құсайынұлының “Керім-ау, айдай” атты опералары да қойылған. Театр құрамында хор, драма, балет кластары мен ұлт аспаптары оркестрі жұмыс істеді. Театрда әр жылдарда қазақстандық белгілі музыка мамандары Х.Тастанов, А.Мырзабеков, М.Әубәкіров кеңесшілік қызмет атқарып, жоғары дәрежедегі өнер биігіне көтерілуге үлес қосты. 1990 жылы театрдың жылжымалы сахнасы бар жаңа ғимараты пайдалануға берілді.

Дереккөздер

Қазақ энциклопедиясы

[1] Қазақ энциклопедиясы