Ақсу алтын кен орны

Ақсу алтын кен орны – Ақмола облысы Ақкөл ауданы Степногорск қаласынан солтүстік-шығысқа қарай 17 км жерде орналасқан. Кен орны 1929 жылы көне кен қазбалардың ізімен ашылған. 1930 жылы бұл жерде кеніш ашылып, 1931 жылы алғашқы 147 кг алтын алынған. Кен орнынан 1931-1997 жылдары аралығында 25 т алтын өндірілген.

Ақсу алтын кен орны
52°27′02″ с. е. 71°56′55″ ш. б. / 52.45056° с. е. 71.94861° ш. б. / 52.45056; 71.94861 ^(G) ^(O) ^(Я)Координаттар: 52°27′02″ с. е. 71°56′55″ ш. б. / 52.45056° с. е. 71.94861° ш. б. / 52.45056; 71.94861 ^(G) ^(O) ^(Я)^(T)
Ел	Қазақстан
Аймақ	Ақмола облысы
Ашылған уақыты	1929 жыл
Кен орнының түрі	кварцты желілі
Ақсу алтын кен орны
Ақсу алтын кен орны

Геологиялық құрылымы

Ақсу алтын кен орнындағы кварц желілері мен кварциттерден тұратын кентастар кембрий-ордовик жыныстары аумағында жатыр.

Жатыс сипаты

Кен орны өз алдына бөлек 5 кен орнынан тұрады. Оларда өндірістік маңызы бар 192 желі кездеседі. Желілердің қалыңдығы 0,12-0,31 м, ұзындығы 107-154 м аралығында. Желілер кварцты габброидтерден, диориттерден, тонолиттерден және гранодиориттерден тұратын ордовик интрузивтерінің бойында қалыптасқан. Алтынның орташа мөлшері 23,6-45,9 г/т. Көлбеу жатқан желілер қалың келеді (1,1-2,3 м), бірақ олардағы алтынның орташа мөлшері төмен (6,4-23,8 г/т). Кен орнында алтынға бай кварц желілерімен қатар алтын-мыс-скарнды кентастар және әлі толық зерттелмеген березит сығылмалары бар. Ақсу алтын кен орны кентастары Ақсу алтын байыту фабрикасының шикізат базасы болып табылады.

Дереккөздер

1. АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5