Питер Пауль Рубенс 28 6 1577 Германия Зиген 30 5 1640 Антверпен фламанд кескіндемешісі Фландриядан көшіп келген заңгер о

Питер Пауль Рубенс (28.6.1577, Германия, Зиген — 30.5.1640, Антверпен) — фламанд кескіндемешісі. Фландриядан көшіп келген заңгер отбасында дүниеге келген. 1599 ж. Антверпенге қоныс аударып, осы қалада жан-жақты гуманитарлық білім алды. Кескіндеме бойынша (1591), ( ж. ш.) және ( ж. ш.) сабақ алған. Рубенстің көптеген кескіндемелік шығармаларында аллегориялық, мифологиялық және діни сюжеттерге негізделген Италияның ұлы суретшілерінің шығармашылығы мен фламанд ұлттық өнерінің озық үлгілері ғажайып үндестік тауып, сындарлы сынымен өзара астасып жатты. Рубенс сонымен қатар ерте заман (“Венера мен Адонис”, 1615; “Жер мен су одағы”, 1615 ж. ш.; “Айна алдындағы Венера”, 1616), аңшылық (“Диананың аңшылықтан оралуы”, “Қабан аулау”, 1618 — 20 ж. ш.), табиғат (“Тас тасушылар”, 1620 ж. ш.; “Кемпірқосақ”, 1632 — 35 ж. ш.; “Орақшылардың оралуы”, 1635 — 40 ж. ш.) және шаруалар мейрамы (“Кермесса”, 1635 — 36 ж. ш.) тақырыбындағы көріністер, портреттер де (Мария Медичидің 1622 — 25 ж. ш., “Инфант Изабелланың күтушілері” 1625 ж. ш., балаларымен отырған Елена Фоурменс 1636 ж. ш., т.б.) салды. Рубенс дүниежүзілік кескіндеменің ғана емес, сызба суреттер салудың да асқан шебері болды. Оның осы салада жасаған көптеген этюдтері, композициялары, портреттері, 300-ге тарта суреттері сақталған. Бұлардың көпшілігі Вена, Париж (Лувр), Санкт-Петербург (Эрмитаж), Флоренция, , Дрезден, т.б. қалалардың мұражайларында сақтаулы.

Дереккөздер:

Қазақ энциклопедиясы, 7 - том
Письма, М.—Л., 1933; Письма. Документы, Суждения современников, М., 1977.
Авермат Р., Петер Пауль Рубенс, М., 1977;
Лебедянский М.С., Портреты Рубенса, М., 1993.

[1] Қазақ энциклопедиясы, 7 - том

[2] Письма, М.—Л., 1933; Письма. Документы, Суждения современников, М., 1977.

[3] Авермат Р., Петер Пауль Рубенс, М., 1977;

[4] Лебедянский М.С., Портреты Рубенса, М., 1993.