Қылшақты (өзен)

Қылшақты, Қылшықты – Ертіс алабындағы өзен.

Қылшақты өзені
Сипаттамасы
Ұзындығы	104 км
Су алабының ауданы	1010 км²
Су алабы	Ертіс өзені
Бастауы	Щучинск қаласының оңтүстік-шығысы
• Координаттары	52°55′29″ с. е. 70°18′18″ ш. б. / 52.92472° с. е. 70.30500° ш. б. / 52.92472; 70.30500 ^(G) ^(O) ^(Я)^(T)
Сағасы	Қопа көлі
• Координаттары	53°17′51″ с. е. 69°22′42″ ш. б. / 53.29750° с. е. 69.37833° ш. б. / 53.29750; 69.37833 ^(G) ^(O) ^(Я)Координаттар: 53°17′51″ с. е. 69°22′42″ ш. б. / 53.29750° с. е. 69.37833° ш. б. / 53.29750; 69.37833 ^(G) ^(O) ^(Я)^(T)
Орналасуы
Ел	Қазақстан
Аймақ	Ақмола облысындағы Бурабай және Зеренді аудандары

Географиялық орны

Ақмола облысындағы Бурабай және Зеренді аудандары жерімен ағады. Ұзындығы 104 км, су жиналатын алабы 1010 км².

Бастауы

Бастауын Щучинск қаласының оңтүстік-шығысынан алып, Көкшетау қаласы арқылы Қопа көліне құяды.

Гидрологиясы

Аңғары жоғарғы және төменгі бөлігінде кең (2-3 км), беткейлері жатық, орта ағысында 0,5-1,5 км-ге дейін жетеді. Арнасының ені 10-20 м, жағасы жарлы, биіктігі 2-4 м. Арнасының жайылмасы 300 м-ге дейін жетеді. Кенесары ауылынан жоғарыда өзеннің оң жағалауында биіктігі 12 м болатын жартас кездеседі. Жауын-шашын суымен толығады. Су ағымы Кенесары ауылы тұсында 0,54 м³/с. Ұзындығы 10 км-ден астам 14 саласы бар. Аңғарында Жанқара, Жамантұз, Балықтыкөл, Қопа, Ақшасор, т.б. көлдер жатыр. Өзенге 10 тоған салынған. Суы бақша, мал суаруға пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5