АҚШ тәуелсіздік күні ағылш US Independence Day АҚШ тың Ұлыбритания Патшалығынан тәуелсіздігін жариялайтын 1776 жылғы АҚШ

АҚШ тәуелсіздік күні (ағылш. US Independence Day) — АҚШ-тың Ұлыбритания Патшалығынан тәуелсіздігін жариялайтын 1776 жылғы АҚШ тәуелсіздік декларациясының қабылдануы. Жыл сайын бұл күн Америка Құрама Штаттарында 4 шілде күні тойланады, сондай-ақ бұл күн АҚШ-тың мемлекеттік мейрамы болып есептелінеді.

АҚШ тәуелсіздік күні

Отшашулардың көрсетілімі, 1986 жылы Вашингтон Монументінің үстінде, жыл сайын АҚШ тәуелсіздік күнінде өтеді.
Басқаша аталуы	Шілденің төртісі
Қайда өткізіледі	АҚШ
Түрі	Ұлттық
Күн-айы	4 шілде
Мейрамдауы	Отшашулар, отбасының жиналуы, концерттер, барбекю, пикниктер, парадтар, бейсбол ойындары

Тәуелсіздік күні АҚШ-тың азат, әрі тәуелсіз ел ретіндегі туған күні болып саналады. Америкалықтардың көпшілігі бұл күнді күніне қарап атайды — «Шілденің төртісі». Бұл мейрамда отшашулар атылады, парадтар, барбекю пісіру, карнавалдар, жәрмеңкелер, пикниктар, концерттер, бейсбол ойындары, отбасылық кездесулер өткізіледі, сондай-ақ билік адамдары халыққа жолдау жоддайды, әртүрлі рәсімдер өткізіледі. Тәуелсіздік күні — бұл АҚШ-тың ұлттық мейрамы..

Тарихы

Бұл күн адамдарға 4 шілде, 1776 жылы қабылданған Тәуелсіздік Декларациясы еске түсіреді. 2 шілде Екінші Континенталдық Конгресі дауыс беру арқылы тәуелсіздік резолюциясын құптады. Бұны 2 шілде қаралымға Виргиниядан Ричард Генри Ли жіберді. Бұл уақытта АҚШ-тың қазіргі жерінде, шығыс жағалауды бойлап орналасқан 13 британ колониясының тұрғындары ағылшын патшасына және парламентіне қарсы соғыс жүргізген. Өйткені, 1764 жылы Ұлыбритания парламенті валюта туралы заң шығарды. Бұл заң америкалық колонияларға салықты өздерінің ақшасымен емес, алтын және күміс тиындармен төлеуге міндетті қылып қойды. 1775 жылы соғыс басталды. Томас Джефферсон бастаған "Бестік комитеті" Тәуелсіздік Декларациясын дайындады. Конгресс бұл декларацияны өңдеп, талқылап 4 шілде қабылдады. Осы кезден бастап америкалықтар 4 шілдені тәуелсіздік күні ретінде тойлай бастады. Ал 2 шілде бұл конгресстің жабық отырыста тәуелсіздік резолюциясын қабылдаған күні.

Тарихшылар ұзақ уақыт бойы тәуелсіздік күні жайлы дауласты. Өйткені тарихшылар конгресс Тәуелсіздік Декларациясына шыныменде 4 шілде 1776 жылы қол қойғанына күмәнданды. Тарихшылардың көпшілігі Тәуелсіздік Декларациясына оның қабылданған күнінен бастап екі айдан кейін, яғни 2 тамыз 1776 жылы қол қойылды деген тұжырым шығарды.

Тарихтағы ең қызық оқиға болып Джон Адамс пен Томас Джефферсонның бір күнде қайтыс болуы есептелінеді. Екеуіде Тәуелсіздік Декларациясына қол қойды және кейінірек АҚШ-тың президенті болды, 4 шілде 1826 жылы, Тәуелсіздік Декларациясының қабылдануының 50 жылдығында қайтыс болды. Тәуелсіздік Декларациясына қол қоюына қатыспаған АҚШ-тың бесінші президенті Джеймс Монрода 4 шілде 1831 жылы қайтыс болды. АҚШ-тың отызыншы президенті Калвин Кулидж 4 шілде 1872 жылы туылды. Осы себеппен ол АҚШ-тың тәуелсіздік күнінде туылған жалғыз АҚШ президенті болып есептелінеді.

Дамуы

4 шілде 1777 жылы Род-Айлендтегі Бристолда таңертең және кешке 13 зеңбірек оғы атылды, Филадельфия ең алғашқы тәуелсіздік мерекесін қазіргі америкалықтар сияқты тойлады.
4 шілде 1778 жылы генерал Джордж Уошингтон тәуелсіздік мерекесін екі еселенген ромамен және артиллериялық салютпен тойлады.
4 шілде 1779 жылы жексенбі күніне түсіп қалды. Сондықтан мерекені келесі күні, яғни дүйсенбі, 5 шілде күні тойлады.
4 шілде 1783 жылы Уинстон-Сейлем қаласындағы Морав шіркеуі мерекені қиын музыкалық бағдарламамен тойлады. Бұл "The Psalm of Joy" деп аталды.
4 шілде 1791 жылы алғаш рет "Тәуелсіздік күні" деген атау қолданды.
4 шілде 1820 жылы мереке алғаш рет Мэн штатындағы Истпорт қаласында тойланды. Сол кезде бұл штаттағы ең үлкен қала болып есептелінді.

Галерея

Вашингтон қаласындағы Капитолий мен Вашингтон Монументі, 4 шілде 2011 жыл.
Майамидің ең биік ғимараттарының бірінен фейрверк шоу — патриоттық қызыл, ақ және көк түсті, 2007 жыл.
Нью-Йорктағы фейрверк шоу, 2008 жыл.
4 шілде мерекесіне арналған торт.
Айова штатындағы Хайавата қаласындағы өрт департаменті, 4 шілде 2016 жыл.

Дереккөздер

National Days of Countries. Ministry of Foreign Affairs and Trade. . Басты дереккөзінен мұрағатталған 25 тамыз 2011. Тексерілді, 28 маусым 2009.
National Holiday. The World Factbook. Central Intelligence Agency. Басты дереккөзінен мұрағатталған 13 мамыр 2009.(қолжетпейтін сілтеме) Тексерілді, 28 маусым 2009.
National Holiday of Member States. . Басты дереккөзінен мұрағатталған 25 тамыз 2011. Тексерілді, 28 маусым 2009.
July Events - 4th of July in Maine (ағыл.). maine.info (July 2010). Басты дереккөзінен мұрағатталған 16 қазан 2012. Тексерілді, 2 қазан 2012.

Сілтемелер

Ортаққорда бұған қатысты медиа файлдар бар: Category:Independence Day (United States)

U.S. Independence Day a Civic and Social Event U.S. State Department, June 22, 2010
The Meaning of July Fourth for the Negro by Frederick Douglass

[1] National Days of Countries. Ministry of Foreign Affairs and Trade. . Басты дереккөзінен мұрағатталған 25 тамыз 2011. Тексерілді, 28 маусым 2009.

[2] National Holiday. The World Factbook. Central Intelligence Agency. Басты дереккөзінен мұрағатталған 13 мамыр 2009.(қолжетпейтін сілтеме) Тексерілді, 28 маусым 2009.

[3] National Holiday of Member States. . Басты дереккөзінен мұрағатталған 25 тамыз 2011. Тексерілді, 28 маусым 2009.

[4] July Events - 4th of July in Maine (ағыл.). maine.info (July 2010). Басты дереккөзінен мұрағатталған 16 қазан 2012. Тексерілді, 2 қазан 2012.