Қарасу (Көксеңгір алабындағы өзен)

Қарасу, Қырыққұдық өзегі – Көксеңгірсор алабындағы өзен.

Қарасу өзені
Сипаттамасы
Ұзындығы	96 км
Су алабының ауданы	1200 км²
Су ағысы
Бастауы	Қырыққұдық ауылынан оңтүстік-батыста 8 км жер
• Координаттары	52°24′19″ с. е. 71°28′34″ ш. б. / 52.40528° с. е. 71.47611° ш. б. / 52.40528; 71.47611 ^(G) ^(O) ^(Я)^(T)
Сағасы	Көксеңгірсор көлі
• Координаттары	52°59′14″ с. е. 71°45′50″ ш. б. / 52.98722° с. е. 71.76389° ш. б. / 52.98722; 71.76389 ^(G) ^(O) ^(Я)Координаттар: 52°59′14″ с. е. 71°45′50″ ш. б. / 52.98722° с. е. 71.76389° ш. б. / 52.98722; 71.76389 ^(G) ^(O) ^(Я)^(T)
Орналасуы
Ел	Қазақстан
Аймақ	Ақмола облысының Біржан сал ауданы және Солтүстік Қазақстан облысы Уәлиханов ауданы

Географиялық орны

Ақмола облысының Біржан сал ауданы және Солтүстік Қазақстан облысы Уәлиханов ауданы жерімен ағады.

Бастауы

Бастауын Қырыққұдық ауылынан оңтүстік-батыста 8 км жерде алып, Солтүстік Қазақстан облысы Уәлиханов ауданы Қазанғап ауылынан төменде Көксеңгірсор көліне құяды.

Гидрологиясы

Ұзындығы 96 км, су жиналатын алабы 1200 км². Жоғарғы аңғары айқын қалыптаспаған, ортаңғы және төменгі ағысында ені 1,5-2 км-ге дейін жетеді. Беткейлері құлама, кей жерлерінде тік жарлы. Жайылмасының ені 0,1-0,3 км. Арнасы Қырыққұдық ауылына дейін анық білінбейді. Орта ағысында ені 10-30 м, биіктігі 0,5-2 м, төменгі ағысында ені 15-20 м, биіктігі 2-5 м. Көп жылдық орташа су ағымы Қарасу ауылы тұсында 0,080 м³ /с. Сағасынан 43 км жоғарыда мал суаруға арналған ұзындығы 0,8 км, ені 20-50 м, тереңдігі 1 м-ге жететін кішігірім Шамған тоғаны бар. Тоған бөгетінің биіктігі 1,5 м.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5