Соқыр өзені

Соқыр – Нұра алабындағы өзен.

Соқыр өзені
бұрын Басайрық
Сипаттамасы
Ұзындығы	102 км
Су алабының ауданы	3220 км²
Су алабы	Нұра алабы
Бастауы	Күмісқұдық ауылы
• Координаттары	49°47′05″ с. е. 73°33′51″ ш. б. / 49.7848024° с. е. 73.5641291° ш. б. / 49.7848024; 73.5641291 ^(G) ^(O) ^(Я)^(T)
Сағасы	Шерубайнұра өзені
• Координаттары	49°52′54″ с. е. 72°34′04″ ш. б. / 49.8817926° с. е. 72.5676513° ш. б. / 49.8817926; 72.5676513 ^(G) ^(O) ^(Я)Координаттар: 49°52′54″ с. е. 72°34′04″ ш. б. / 49.8817926° с. е. 72.5676513° ш. б. / 49.8817926; 72.5676513 ^(G) ^(O) ^(Я)^(T)
Орналасуы
Ел	Қазақстан
Аймақ	Қарағанды облысы Бұқар жырау ауданы

Географиялық орны

Қарағанды облысы Бұқар жырау ауданы жерімен ағады. Ұзындығы 102 км. Су жиналатын алабы 3220 км².

Бастауы

Күмісқұдық ауылының солтүстік-шығысындағы қыраттан басталып, Керегетас тауы тұсында Шерубайнұраға құяды.

Гидрологиясы

Өзеннің оң жағалауы аласа төбелі, сол жағалауы жазық дала. Аңғарының ені жоғоры бөлігінде 2 – 5 км, сағасына жақын жерде 5 – 8 км. Арнасы 30 – 40, 50 – 60 м. Жауын-шашын суымен толығады. Жылдық орташа су ағымы Құрылыс ауылы тұсында 0,70 м³/с. Суы мал, жер суаруға пайдаланылады. Соқырға Бұқпа, Ащылайрық, Қарағанды (Карагандинка) өзендері құяды. Төменгі сағасы қара суға, қайраңға айналып барып құрғайды. Қарашаның басында қатып, сәуірдің басында мұзы түседі. Қамыс-құраққа балшықшы, үйрек, қасқалдақ ұя салады, жағалауында ондатра, су жалманы мекендейді. Балықтары: мөңке, шортан, алабұға, торта, қарабалық. Ауыз суына жарамсыз. Мал суару үшін пайдаланылады. Үлкен Михайловқа темір жол станциясының оңтүстік жағында темір жол және автомобиль көпірлері салынған.

Дереккөздер

1. Қазақ энциклопедиясы, 7 том
2. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5