Еламан Шаханов

Еламан Шаханов (14 сәуір 1944 жылы туған, Қарағанды облысы, Жаңаарқа ауданы, Атасу ауылы) — ғалым, биология ғылымдарының докторы (1991), профессор (1992). Қазақстан ғылым академиясының академигі (2004).

Еламан Шаханов
Туған күні	14 сәуір 1944 (1944-04-14) (80 жас)
Туған жері	Атасу
Ғылыми дәрежесі	биология ғылымдарының докторы

Қысқаша өмірбаяны:

Арғын тайпасы Қуандық руының Мойын Рақпанғұл бөлімінен шыққан.

• 1967 жылы Қазақ мемлекеттік ауыл шаруашылығы институтын (Қазақ ұлттық аграрлық университеті) бітірген.
• 1967 — 1971 жылдары осы институтта аспирант, оқытушы.
• 1971 — 1993 жылдары кіші, аға ғылыми қызметкер, бөлім меңгерушісі, директордың орынбасары.
• 1993 — 2001 жылдары Павлодар ауыл шаруашылығы ғылыми-зерттеу институтында директор.
• 2001 — 2003 жылдары А.И. Бараев атындағы Қазақ астық шаруашылығы ғылыми-зерттеу институтында директор қызметтерін атқарған.
• 2003 жылдан директоры қызметінде.

Еңбектері:

Негізгі ғылыми еңбектері шөл және шөлейт аймақтарда сирек кездесетін жемшөптік дақылдардың полиподиясы мен алшақ будандастыру мәселелеріне арналған. Ол дәнді және жемшөптік дақылдардың 14 жаңа сортын шығарған, олардың ішінде Ертіс-97, жүгерінің Цунами-80 сорттары, , эспарцеттің, бетегенің, түйежоңышқаның сорттары бар.

Шаханов 110-нан астам ғылыми еңбектің авторы, медальдармен марапатталған.

Дереккөздер

1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
2. Алтай шежіресі, жауапты редактор -- Хакім Омар, Құрастырушы Ісләмов Ібрахым (Жақан). Алматы, «Темірқазық» баспасы, 2014
3. Қазақстан ұлттық энциклопедиясы