Өрнек қала орны

Өрнек қала орны — көне қала орны. Тұрар Рысқұлов ауданы Өрнек ауылынан оңтүстікке қарай 6 км қашықтықта, мен өзендерінің жағасында орналасқан.

Өрнек
Мәртебесі	Әлемдік мұра (ЮНЕСКО), Республикалық маңызы бар ескерткіш
Қазіргі жері	Қазақстан, Жамбыл облысы
Қалануы	VIII ғасыр
Басқаша атаулары	Күлшуб
Қиралды	XII ғасыр
Орналасуы	42°46′ с. е. 70°52′ ш. б. / 42.767° с. е. 70.867° ш. б. / 42.767; 70.867 ^(G) ^(O) ^(Я)Координаттар: 42°46′ с. е. 70°52′ ш. б. / 42.767° с. е. 70.867° ш. б. / 42.767; 70.867 ^(G) ^(O) ^(Я)^(T)
Өрнек

Зерттеушілер

1985 – 86 жылы К.Байпақов жетекшілік еткен экспедиция зерттеу жұмыстарын жүргізген.

Сипаттамасы

Өрнек қаласының орталық бөлігі аумағы 155×160 м болатын төрт бұрыш пішінді, жан-жағы дуалдармен қоршалған. Қоршаудың қазіргі қиранды үйіндісінің биіктігі 5 м-ге, ені 11 – 15 м-ге жетеді. Қоршаудың бойында 31 күзет мұнараларының орындары сақталып қалған. Қазба жұмыстары Өрнектің 8 – 12 ғасырда гүлденген қала болғанын көрсетеді. Қазба жұмыстары барысында тастан безендіріліп жасалған 4 колонна табылды. Мықты бекіністің, мешіттің, әсем сарайдың орындары табылуы Өрнектің кезінде жоғары дамыған қалалар қатарына жататындығын айғақтайды. Ортағасырлық географтар – Ибн Хордадбек пен Құдама Тараз бен Құлан арасында Касриабас, Күлшуб, Жулшүб деген қалалардың болғанын жазып қалдырған. Осындағы Күлшуб қаласы Өрнек болса керек.

Мәртебесі

2014 жылы Өрнек қалашығы «Жібек жолының ескерткіштері: Тянь-Шань дәлізі» аталымы бойынша ЮНЕСКО-ның бүкіләлемдік мұра тізіміне қосылды.

2017 жылы Өрнек республикалық маңызы бар тарих және мәдениет ескерткіштерінің мемлекеттік тізіміне енгізілді.

Дереккөздер

1. Тараз энциклопедиясы
2. Жамбыл облысының 5 тарихи ескерткіші ЮНЕСКО тізіміне қосылды
3. Мәдениет және спорт министрінің бұйрығы