Әнуар Құрманбайұлы Түгел

Әнуар Құрманбайұлы Түгел 1963 жылы 25 ақпанда Жамбыл облысының Щербақты кентінде туған. Қазақ. Дулат тайпасының Жаныс руынан.

Ульянов-Ленин атындағы Қазан мемлекеттік университетінің заң факультетін бітірген (1985), заңгер.

Заң ғылымдарының кандидаты (2009). Кандидаттық диссертациясының тақырыбы: «Қорғаушының қылмыстық істер бойынша процессуалдық дәлелдеуге қатысуы».

1980 жылдан - Ульянов-Ленин атындағы Қазан мемлекеттік университетінің студенті.

1985 жылдан - Фрунзе қаласы Ленин аудандық прокуратурасында сынақ мерзімінен өтуші,

1986 жылдан - аға тергеуші.

1988 жылдан - Фрунзе қалалық прокуратурасының тергеу бөлімінің прокуроры.

1989 жылдан - Фрунзе қалалық прокуратурасының аға тергеушісі.

1990 жылдан - Фрунзе қалалық прокуратурасы тергеу бөлімінің прокуроры.

1991 жылдан - Алматы қалалық Прокуратура басқармасының прокуроры.

1992 жылдан - Алматы қаласы Алатау ауданы прокурорының орынбасары.

1993 жылдан - ҚР Бас прокурорының аға көмекшісі.

1995 жылдан - Алматы қаласы Ақсай ауданының прокуроры.

1996 жылдан - Алматы қаласының Ұйымдасқан қылмысқа және сыбайлас жемқорлыққа қарсы күрес бас басқармасының бастығы.

1997 жылдан - ҚР Қауіпсіздік кеңесінің консультанты.

1997 жылдан - Алматы облысы бойынша МТК Департаменті бастығының орынбасары.

1998 жылдан - «Қазақстан темір жолы» РМК Құқықтық қамтамасыз ету бас басқармасының бастығы, аппарат басшысы.

2000 жылдан - ҚР Президенті Әкімшілігінің мемлекеттік-құқықтық бөлімінің сектор меңгерушісі.

2001 жылдан - ҚР әділет вице-министрі.

2002 жылдан - ҚР Парламент Мәжілісі Аппаратының жетекшісі.

2005 жылдан бері - ҚР Қорғаушылар одағының президенті.

Үйленген. 2 баласы бар.

Дереккөздер

1. Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Жаныс — Алматы: Издательство Өнер, 2004. — 992 б. — ISBN 9965-595-78-Х.
2. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2