Қашаған Жаманқараев

Қашаған Жаманқараев (8 мамыр 1910 жыл, Қаракемер ауылы, Еңбекшіқазақ ауданы, Алматы облысы – 22 қыркүйек 2001 жыл, Алматы) — 2-дүниежүзілік соғысқа қатысушы, қатардағы жауынгер, зеңбірек командирі.

Қашаған Жаманқараев
Туған күні	8 мамыр 1910 (1910-05-08)
Туған жері	Қаракемер ауылы, Еңбекшіқазақ ауданы, Алматы облысы
Қайтыс болған күні	22 қыркүйек 2001 (2001-09-22) (91 жас)
Қайтыс болған жері	Алматы
Мемлекет	КСРО  Қазақстан
Әскер түрі	жаяу әскер
Қызмет еткен жылдары	1942 – 1945
Атағы	Старшина
Әскери бөлімі	1-ші гвардиялық зеңбірек артиллериялық бригадасы, 1-ші гвардиялық артиллериялық дивизия, 60-шы армия, Воронеж майданы
Шайқасы	Екінші дүниежүзілік соғыс Ұлы Отан соғысы
Марапаттары

Шапырашты руынан шыққан.

Майданға өз еркімен аттанып, резервтегі 1-гвардиялык артиллерия құрамында Сталинград түбінде, Днепр өзені, шайқастарға қатысты. 1-гвардиялық артиллериялық зеңбірек бригадасының (, 60-армия, 1-гвардиялық артиллериялық дивизия) зеңбірек командирі аға сержант Жаманқараев 1943 жылы 26 тамызда Романово (Курск облысы,Рыльский ауданы) деревнясындағы шайқаста жау шабуылына тойтарыс берді. 2 танкіні жойып, қалғандарын кері шегінуге мәжбүр етті. 1943 жылы 7 қазанда Губи], Медвин (Киев облысы, Чернобыль ауданы) селоларының жанында Днепрдің оң жағалауындағы плацдарм үшін болған соғыста жаудың 1 взводқа жуық әскерін, 2 танкісін жойды.

Осы ерлігі үшін Жаманқараевқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (17.10.1943). Ленин, 1-дәрежелі Отан соғысы ордендерімен, медальдармен марапатталған. Соғыстан кейін туған ауылына оралып жұмыс істеген.

Дереккөздер

1. Құрастырушы авторы А.Байғазыұлы Бәйдібек баба - Алып бәйтерек ұрпақтарының шежіресі. Сары Үйсін. Шапырашты — Алматы: Издательство Өнер, 2000. — ? б. — ISBN 5-89840-441-4.
2. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х