Қасымхан Төлендиев

Қасымхан Төлендиев (15.11. 1948 жылы туған, Шу ауданы, Ақтөбе ауылы) – басшы қызметкер.

Шыққан тегі Ұлы жүздің Дулат тайпасы Шымыр руынан.

1971 ж. Алматы мал дәрігерлік интитутын бітірген. 1971 ж. Торғай облысы «Арқалық» кеңшарында зоотехник-селекционер, 1971 – 1973 ж. Шу ауданы, Абай атындағы кеңшарда методист-нұсқаушы, 1973 – 1976 ж. Шу аудандық комсомол комитетінде нұсқаушы, бөлім меңгерушісі, 1976 – 81 ж. Жамбыл облысының комсомол комитетінде бөлім меңгерушісі орынбасары, бөлім меңгерушісі, 1981 – 1987 ж. Жамбыл облысы партия комитеті ауыл шаруашылық және тамақ өнеркәсібі бөлімінде нұсқаушы, 1987 – 91 ж. Жамбыл облысының халық бақылау комитеті төрағасының орынбасары, 1991 –1992 ж. облысы халық депутаттар кеңесінің бөлім меңгерушісі, 1992 – 94 ж. Жамбыл облысы әкімшілік аппаратында бөлім меңгерушісі, 1994 – 1997 ж. Жамбыл облыстық ауыл шаруашылық департаменті бастығының 1-орынбасары, 1997 – 2001 ж. Т.Рысқұлов атындағы ауданның әкімі қызметтерін атқарған. 2001 ж. маусымнан бері облыс әкімі жанындағы Тәртіптік кеңесінің төрағасы. «Қазақстанның тәуелсіздігіне 10-жыл» медалімен марапатталған.

Сілтемелер

1. Құрастырушы авторы Асангелді Отаров Бәйдібек баба - Алып бәйтерек ұрпақтарының шежіресі. Шымыр. — Алматы: Издательство Өнер, 2007. — 816 б. — ISBN 978-601-209-017-8.
2. Тараз энциклопедиясы