Хельмут Халлер

Хельмут Халлер (нем. Helmut Haller; 21 шілде 1939, Аугсбург — 11 қазан 2012, Аугсбург) — германиялық футболшы, 1962, 1966, 1970 жылдары әлем чемпионатына қатысқан.

Хельмут Халлер
Жалпы мағлұмат
Туған күні	21 шілде 1939 (1939-07-21)
Туған жері	Аугсбург
Қайтыс болған күні	11 қазан 2012 (2012-10-11) (73 жас)
Азаматтығы	Германия
Позиция	шабуылшы
Клуб карьерасы 1957—1962 Аугсбург 85 (25) 1962—1968 Болонья 179 (48) 1968—1973 Ювентус 116 (21) 1973—1976 Аугсбург 79 (23) 1977—1978 2 (0) 1978—1979 Аугсбург 15 (1) Ұлттық құрамы 1958—1970 ГФР 33 (13)
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Карьерасы

Клубтық

Карьерасының жарқыраған жылдарын Италияда, "Болонья" және "Ювентус" клубтарында өткізген. Осы екі клуб сапында 11 жыл бойы доп теуіп, үш рет Италия чемпионы атанды. 1973 жылы ғана отанына оралып, туған клубы "Аугсбургқа" (1957 жылы карьерасын осы "Аустрияда" бастаған) ауысты.

1977 жылы ГФР-дің төменгі лигаларының бірінде ойнайтын "БСВ 07" клубына ауысып, бір жыл ойнады. 1978 жылы тағы да, үшінші рет "Аугсбург" футболшысы атанды.

1979 жылы 40 жасында карьеасын аяқтады. Кейін осы клубтың бапкерлер алқасында істеді, вице-пезиденті болды.

Ұлттық құрама

1962 жылғы әлем чемпионатына қатысып, топтық кезеңнің екі кездесуінде алаңға шықты (Италия мен Англияға қарсы ойында). 1/4 финалда Югославияға қарсы ойнады, бірақ чемпионатта бір гол да соға алмады.

1966 жылғы әлем чемпионатының бірінші матчында-ақ Швейцарияның қақпасына екі гол соқты (бұл ойында ГФР 5:0 есебімен жеңіске жетті). Ширек финалда Уругваймен ойында осы жетістігін қайталады. Сосын жартылай финал мен финалда бір-бір голдан соғып, ГФР құрамасының чемпионаттағы үздік мергені атанды (6 гол). Бұл чемпионатта ГФР финалда Англиядан ұтылып қалды.

1970 жылғы әлем чемпионатында бір ғана ойында (бірінші турда Мароккомен ойында) алаңға шығып, үзілістен соң алмастырылды да, сол күйі алаңға шықпады. Турнирден соң құрамадағы карьерасын аяқтады.

Жетістіктері

• Италия чемпионы: 1964, 1972, 1973

Халықаралық

• Әлем чемпионатының күміс жүлдегері: 1966
• Әлем чемпионатының қола жүлдегері: 1970

Дереккөздер

1. https://www.national-football-teams.com/player/16756/Helmut_Haller.html

Сілтемелер

• Футболшының профилі