Харальд Шумахер

Харальд Антон (Тони) Шумахер (нем. Harald "Toni" Schumacher; 6 наурыз 1954, Дюрен, ГФР) — ГФР-лік футболшы, қақпашы. 1980 жылғы Еуропа чемпионы.

Харальд Тони Шумахер
Жалпы мағлұмат
Толық аты	Харальд Антон Шумахер
Туған күні	6 наурыз 1954 (1954-03-06) (70 жас)
Туған жері	Дюрен, ГФР
Азаматтығы	Германия
Бойы	186
Салмағы	78
Позиция	қақпашы
Клуб карьерасы 1972—1987 Кёльн 422 (-628) 1987—1988 Шальке 04 33 (-77) 1988—1991 Фенербахче 89 (-?) 1991—1992 Бавария 8 (-10) 1995—1996 Боруссия (Дортмунд) 1 (-0) Ұлттық құрамы 1979—1986 ГФР 76 (-61) Бапкерлік карьерасы 1992—1993 Шальке 04 қақпашылар бапкері 1993—1994 Бавария қақпашылар бапкері 1994—1996 Боруссия (Дортмунд) қақпашылар бапкері 1996—1998 Боруссия (Дортмунд) асс 1998—1999 2001—2003 Байер 04 қақпашылар бапкері
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Карьерасы

Клубтық

Карьерасын 1972 жылы "Кельн" клубында бастады. 1987 жылға дейін ешқайда табан аудармай, Германия бундеслигасында 422 кездесуде алаңға шықты.

1987 жылы "Шалькеге" ауысты. Бір маусымда 77 гол жіберіп алып, бұл клубта ұзақ айналмады, 1988 жылы-ақ "Фенербахчеге" ауысып кетті. Үш маусым бойы түркиялық клубтың жанкүйерлерінің сүйіктісіне айналды.

1991 жылы "Баварияның" екі бірдей қақпашысы Раймонд Ауманн мен Свен Шойер жарақат алып, Шумахер сонда шақырылды.

1992 жылы бапкерлікке ауысты. Бірнеше жылдар бойы "Шальке", Бавария", "Боруссия Дортмунд" клубтарында қапашылар бапкері боп қызмет атқарды. 1995/96 жылғы маусымның соңғы турында "Боруссия Дортмунд" сапында үш минуттай алаңда ойнады. Бұл оның бундеслигадағы 464-ші кездесуі боп тіркелді.

Ұлттық құрама

1979 жылы аңыз қақпашы Зепп Майер құрамамен қоштасты да, орнын Шумахер басты. Бір жылдан соң Еуропа чемпионы атанды.

1982 жылғы әлем чемпионатының жартылай финалында Франциямен ойында доп үшін таласта француз Патрик Баттистонға шынтағы оңбай тиіп, Баттистон алаңды ес-түссіз тәрк етіп, ауруханаға жөнелтілді. Осы тәртіпсіздігі үшін Шумахердің атына түрлі ауыр әңгімелер айтылды, Кейін Шумахер көпшілік алдында Баттистоннан кешірім сұрады.

1987 жылы құрамадағы карьерасын аяқтады.

1994 жылы 7 тамызда Санкт-Петербургтегі Ізгі ниет ойындарында әлем құрамасы сапында Ресей құрамасына қарсы ойында алаңға шықты.

Жетістіктері

Командалық

ГФР

• Еуропа чемпионы: 1980
• ӘЧ финалисі (2): 1982, 1986

«Кёльн»

• ГФР чемпионы: 1978
• ГФР кубогы (3): 1977, 1978, 1983

«Фенербахче»

• Түркия чемпионы: 1988/89
• Түркия суперкубогы: 1990

«Боруссия» (Дортмунд)

• Германия чемпионы: 1996

Жеке

• ГФР-дегі жыл футболшысы (2): 1984, 1986
• Әлем чемпионатының үздік қақпашысы: 1986

Дереккөздер

1. https://www.transfermarkt.com/transfermarkt/profil/spieler/39670

Сілтемелер

• http://www.worldfootball.net/spieler_profil/toni-schumacher_2/(қолжетпейтін сілтеме)