Хаким Дүйсенов

Хаким Дүйсенов (1905, бұрынғы Жетісу облысы, Аягөз болысы, 2-ауылы – 1938) – , саяси қуғын-сүргін құрбаны. 1921 – 24 жылдары Семей жұмысшы факультетінің курсанты, мектепте мұғалім, Семей қазақ педагогикалық оқушысы болды. 1924 – 31 жылдары БЛКЖО Қарқаралы уездік коммитетінің хатшысы, Семей губерниясы коммитеті бюросының мүшесі, ұйымдастыру бөлімінің меңгерушісі, хатшысы, Қазақ өлкелік коммитеті экономикалық комиссиясының төрағасы, баспа бөлімінің меңгерушісі, “Лениншіл жас” газеті мен “Әйел теңдігі” журналының редакторы, БК(б)П Орал губерниясының коммитеті бөлім меңгерушісінің орынбасары, “” газетінің редакторы, Орал округтік жер басқармасының меңгерушісі, Жезқазған кен басқармасы басқарушысының орынбасары болып істеді. 1932 жылдың тамызынан 1933 жылдың наурызына дейін егін шарушылығы халық комиссарының орынбасары, 1933 – 35 жылдары Қазақ өлкелік коммитеті үгіт бұқаралық және ауыл шарушылығы бөлімдерінің меңгерушісі, Қарағанды облысы коммитеті ауыл шарушылығы бөлімінің меңгерушісі, 1935 жылдың тамызынан 1936 жылдың қыркүйегіне дейін Қазақ КСР-і егін шаруашылығы халық комиссарының 1-орынбасары, әрі “” журналының редакторы, 1936 жылдың қыркүйегінен 1937 жылдың қазанына дейін Қазақ КСР-і халық комиссары қызметтерін атқарды. 1937 жылы қазанда тұтқындалып, 1938 жылы атылды. 1958 жылы қаңтарда ақталған.

Дереккөздер

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том