Төлеутай Сатайұлы Рақымбеков

Төлеутай Сатайұлы Рақымбеков (19 шілде, 1964 жыл, Атасу) — Қазақстан саясаткері, Ұлттық аграрлық ғылыми-білім беру орталығы 2019 жылдан бастап басшысы. 2019 жылдық Президенттік сайлауында «Ауыл» партиясының атынан қатысты.

Төлеутай Сатайұлы Рақымбеков
2020 жылғы портреті
Өмірбаяны
Партиясы	«Ауыл»
Білімі	ҚазҰАУ Е.А.Бөкетов атындағы Қарағанды мемлекеттік университеті Еуразия ұлттық университеті
Азаматтығы	Қазақстан
Дүниеге келуі	19 шілде 1964 (1964-07-19) (60 жас) Жаңаарқа, Жаңаарқа ауданы, Қарағанды облысы, Қаз КСР
Жұбайы	Салтанат (–2020) Әйгүл (2021–)
Балалары	Әлия (1987–) Айбота (1996–)
өңдеу

Биографиясы

1964 жылы 19 шілдеде Қарағанды облысы Жаңаарқа ауданының Жаңаарқа (Атасу) кентінде туған. Арғын тайпасы Қуандық руының Тоқа бөлімінен шыққан.Қазақ ауылшаруашылық институтын (1986) инженер- механик мамандығы бойынша үздік; Бүкілодақтық ауыл шаруашылығын электрлендіру ғылыми-зерттеу институтының аспирантурасын (Мәскеу қаласы, 1992); Е.А. Бөкетов атындағы Қарағанды мемлекеттік университетін (2001) заңгер мамандығы бойынша бітірген. Экономика ғылымдарының докторы (2005). Докторлық диссертациясының тақырыбы: «Қазақстан АӨК өңдеу кешендерін қалыптастыру және дамыту».

Отбасы

Жұбайы, Қазақстан Азаматтық Альянсінің бұрыңғы басшысы Рахымбекова Салтанат Темірқұлқызы 2020 жылдың жазында қайтыс болды. 2021 жылдың 17 желтоқсанында ол Әйгүлге үйленді.

Бірінші некеден екі қызы, Әлия (1987 жылы туған) және Айбота (1996 жылы туған) бар.

Еңбек жолы

• Еңбек жолын 1986 жылы Қазақ ауыл шаруашылығы институтының кіші ғылыми қызметкері, аспиранты болып бастады.
• 1987-1989 Ж. Ж. – "Сельхозтехника" Жаңаарқа АБ инженері, шебері, аға шебері, аға инженер-технолог»;

- Ауыл шаруашылығын электрлендіру ҒЗИ аспиранты; - Жезқазған қаласында бірқатар коммерциялық құрылымдарды басқарды; - Қарағанды облысы Сәтбаев қаласы әкімінің орынбасары; - Жезқазған мемлекеттік университетінің доценті;

• 2002-2006 жылдары-басқарма бастығы, АӨК және ауылдық аумақтарды дамытуды талдау және мемлекеттік реттеу департаментінің директоры, ауыл шаруашылығы өнімдерін қайта өңдеу, кеден-тарифтік саясат және ДСҰ департаментінің директоры, Қазақстан Республикасы Ауыл шаруашылығы министрлігінің Ауыл шаруашылығы өнімдері нарығын реттеу департаментінің директоры;

- Қазақстан Республикасы Көлік және коммуникация министрлігі Көлік саясаты және халықаралық ынтымақтастық департаментінің директоры;

• 2007-2009 жж. - " ҚазАгроИнновация "АҚ президенті;
• 2009 ж. - ҚР Премьер-Министрі орынбасарының кеңесшісі;
• 2009 ж. - ТКШ "ҚазОрталығы" АҚ төрағасы»;

- Қарағанды облысы әкімінің орынбасары;

• 2011-2013 жж. – "ТКШ ҚазОрталығы" АҚ төрағасы»;

"ТКШ және құрылыс Ұлттық палатасы" ЗТБ басқарма төрағасы»; "Атамекен" ҚР ҰКП Агрокомпаниялар орталығының директоры»; Премьер-Министрдің орынбасары – Ауыл шаруашылығы министрінің кеңесшісі;

• 2017 жылғы сәуірден шілдеге дейін-ҚР Ауыл шаруашылығы вице-министрі;
• 2017 жылдың қыркүйек айынан бастап қазіргі уақытқа дейін - С. Сейфуллин атындағы Қазақ агротехинкалық университетінің "Қаржы" кафедрасының профессоры.
• 2019 жылдың сәуір айынан бастап «Ұлттық аграрлық ғылыми-білім беру орталығы» КеАҚ Басқарма Төрағасы .

Сыйлықтары мен марапаттары

• «Құрмет» ордені (2016);
• Қазақстан Республикасының Құрмет грамотасы (2006).

Мерекелік медальдары:

• 1) «Тыңға 50 жыл» (2004);
• 2) «10 жыл Астана» (2008);
• 3) «Қазақстан Республикасының Тәуелсіздігіне 20 жыл» (2012);
• 4) «Ауыл шаруашылығының үздігі» (2016)

Дереккөздер

1. Бикенов Ж.Б. Жәкенов Ж.М. Исабек Т.К. Тоқа шежіресі — Қарағанды: Қарағанды полиграфиясы ААҚ, 2000. — 402 б. — 1000 таралым. — ISBN 5-7667-9037-6.
2. https://ru.sputnik.kz/20211218/Eks-kandidat-v-prezidenty-Kazakhstana-zhenilsya-vo-vtoroy-raz-18920022.html (орысша) қайта үйленуі туралы
3. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2
4. «ҰАҒБО» КеАҚ Басқарма Төрағасы
5. ҚР Президенттігіне үміткер Т.Рақымбековтың сайты Мұрағатталған 12 тамыздың 2020 жылы.