Торғай (өзен, Шалқартеңіз алабы)

Торғай — Шалқартеңіз алабындағы өзен. Ұзындығы — 825 км. Су жинау алабы — 157 мың км².

Торғай өзені
Сипаттамасы
Ұзындығы	825 км
Су алабының ауданы	157 000 км²
Су алабы
Бастауы	Жалдама және Қараторғай өзендері
• Координаттары	50°09′ с. е. 65°15′ ш. б. / 50.150° с. е. 65.250° ш. б. / 50.150; 65.250 ^(G) ^(O) ^(Я)^(T)
Сағасы	Қаракөл көліне 8 км жетпей тартылып қалады
• Координаттары	48°01′12″ с. е. 63°01′55″ ш. б. / 48.02000° с. е. 63.03194° ш. б. / 48.02000; 63.03194 ^(G) ^(O) ^(Я)Координаттар: 48°01′12″ с. е. 63°01′55″ ш. б. / 48.02000° с. е. 63.03194° ш. б. / 48.02000; 63.03194 ^(G) ^(O) ^(Я)^(T)
Орналасуы
Ел	Қазақстан
Аймақ	Қостанай, Ақтөбе облыстары

 Басқа мағыналар үшін Торғай деген бетті қараңыз.

 Басқа мағыналар үшін Торғай өзені деген бетті қараңыз.

Бастауы

Қостанай облысындағы Жалдама және Қараторғай өзендері қосылған жерден басталып, Ақтөбе облысындағы Қаракөл көліне 8 км жетпей тартылып қалады.

Гидрологиясы

Аңғары өзен басынан Торғай ауылына дейін кең, ені — 40—60 км, жиегі жайпақ, жайьлмасы тегіс, одан ені — 10— 60 м бірнеше өзектер тарап, терендігі 2-6 м қарасулар пайда болады. Арнасының ені 45—100 м, Торғай аулынан төменгі сағасына дейінгі өзен аңғары (ені — 5—10 км) Тосын құмы өңірінде, бірте-бірте жайылмасы 0,5—1,5 км-ге, ал арнасы 40 м-ге дейін тарылады.

Салалары

Ірі салалары: Ырғыз, Сарыторғай, Қайыңды, Өлкейек, Қараторғай, Жалдама. Жауын-шашын, ыза суынан толысады.

Ағысы

Жылдық орташа су шығыны Тосын құмы тұсында секундына 10,6 м³. Торғай өзеніне құятын, не одан тарайтын ағыңды өзендердің болуы және көптеген терең иірім қарасулардағы мол су қоры мал шаруашылығын, балық аулау кәсібін дамытуға қолайлы. Өзен жайылмасы шабындық, мал жайылымы. Соңғы кезде Торғай өңіріндегі өзендер суы өнеркәсіптік мақсатта, егін суаруға пайдаланыла бастады.

Дереккөздер

1. Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.