Тамара Қасымқызы Дүйсенова

Тамара Қасымқызы Дүйсенова (құжат бойынша Босымбекқызы,11 қаңтар 1965 жыл, Сарыағаш ауданы) — қазақстандық мемлекеттік қайраткер, 2023 жылдан бері Қазақстан премьер-министрінің орынбасары, инженер-экономист, экономика ғылымдарының кандидаты.

Тамара Дүйсенова
Дүйсенова 2023 жылы
Лауазымы
Ту Қазақстан премьер-министрінің Орынбасары Ту
8 маусым 2023 жылдан бастап
Президент	Қасым-Жомарт Тоқаев
Премьер-Министр	Әлихан Смайылов
Ізашары	Алтай Көлгінов
Ту Еңбек және халықты әлеуметтік қорғау министрі Ту
11 сәуір 2022 — 2 қыркүйек 2023
Президент	Қасым-Жомарт Тоқаев
Премьер-Министр	Әлихан Смайылов
Ізашары	Серік Шәпкенов
Ізбасары	Светлана Жақыпова
25 қаңтар 2017 — 9 ақпан 2018
Президент	Нұрсұлтан Назарбаев
Премьер-Министр	Бақытжан Сағынтаев
Ізашары	лауазымы қайта құрылды
Ізбасары	Мәдина Әбілқасымова
27 маусым 2013 — 6 тамыз 2014
Президент	Нұрсұлтан Назарбаев
Премьер-Министр	Серік Ахметов Кәрім Мәсімов
Ізашары	Серік Әбденов
Ізбасары	лауазымы ыдырады
Ту Денсаулық сақтау және әлеуметтік даму министрі Ту
6 тамыз 2014 — 25 қаңтар 2017
Президент	Қасым-Жомарт Тоқаев
Премьер-Министр	Асқар Мамин Әлихан Смайылов
Ізашары	лауазымы қайта құрылды
Ізбасары	лауазымы ыдырады
Ту Нұр Отан саяси партиясының хатшысы Ту
22 ақпан 2018 — 9 шілде 2019
Өмірбаяны
Партиясы	Аманат (2019 бері)
Білімі
Мамандығы	инженер-экономист
Дүниеге келуі	11 қаңтар 1965 (1965-01-11) (59 жас) Ленинское, Сарыағаш ауданы, Шымкент облысы, Қазақ КСР, КСРО
Марапаттары	Құрмет ордені Барыс ордені
Тамара Дүйсенова Ортаққорда
өңдеу

Дүйсенова бұрын Еңбек және халықты әлеуметтік қорғау министрі (2013—2014, 2017—2018, 2022—2023) мен Денсаулық сақтау және әлеуметтік даму министрі (2014—2017) қызметтерінде болған.

Өмірбаяны

Жастық шағы және білімі

Тамара Дүйсенова 1965 жылғы 11 қаңтарда,Шымкент облысының Сарыағаш ауданындағы Ленинское (Ленин) ауылында дүниеге келген.

Дүйсенова 1987 жылы инженер-экономист мамандығына білім алған.

Саясатқа дейінгі мансабы

Дүйсенова еңбек жолын 1988 жылы Сарыағаш ауданының орта мектебінде информатика пәнінің мұғалімі ретінде бастаған. 1998–1992 жылдары аралығында Өзбек КСР Мемлекеттік жоспарлау комитеті жанындағы экономика және нормативтер ғылыми-зерттеу институтында экономист болып жұмыс істеген.

Саяси мансабы

1992 жылдан бір жыл бойы, 1993 жылға дейін Сарыағаш аудандық әкімдігінде аға экономист болған. Бұдан кейін, 1994 жылға дейін, Дүйсенова Перизат-холдинг компаниясы бір бөлімінің жетекшісі еді.

1994–1997 жылдары Сарыағаш ауданы әкімінің кеңесшісі, орынбасары және бірінші орынбасары қызметтерінде болған. Бұдан кейін болып тағайындалды. Осы қызметін Дүйсенова 1999 жылы аяқтады.

1999 жылдан 2002 жылға дейін Тамара Дүйсенова орынбасары қызметінде болған. Бұл жұмысы аяқталғасын, 2006 жылға дейін ол Еңбек және халықты әлеуметтік қорғау вице-министрі болды. 2006 жылы ОҚО әкімінің орынбасары болып қайта тағайындалған Дүйсенова сол қызметте екі жыл бойы болды.

2008 жылдары Дүйсенова ЕХӘҚ министрлігінің жауапты хатшысы болып тағайындалды. 2013 жылдың ақпанында ол сол қызметін аяқтап, ол алты-ақ ай бойы сол министрліктің вице-министрі болды.

2013 жылдың 27 маусымында президент Назарбаев жарлығымен ЕХӘҚ министрі болып тағайындалды. 2014 жылдың 6 тамызында жаңа құрылған Денсаулық сақтау және әлеуметтік даму министрі лауазымына тағайындалған себебімен ЕХӘҚ министрлігі тоқтатылды. 2017 жылдың қаңтарында Денсаулық сақтау және әлеуметтік даму министрі қызметінен босатылды, министрлік ыдыратылды, Дүйсенова министрліктің тарихындағы жалғыз министрі болып қалды.

2017 жылдың 25 қаңтарында Еңбек және халықты әлеуметтік қорғау министрлігі қайта құрылды. Тамара Дүйсенова осы министрліктің төрайымы ретінде қайта тағайындалды. Ол өзінің министрлігін 2018 жылдың 9 ақпанына дейін жалғастырды. Оның ізбасары болып Мәдина Ерасылқызы Әбілқасымова тағайындалды.

Тамара Дүйсенова — 2019 жылдың наурызынан Аманат партиясы саяси кеңесінің мүшесі және 2020 жылдың желтоқсанынан бері партия атынан Мәжіліс депутаттығына үміткер.

2022 жылдың 11 сәуірінде Тамара Босымбекқызы Еңбек және халықты әлеуметтік қорғау министрі қызметіне қайта тағайындалды. Министр қызметін атқарып жатқан кезінде, 2023 жылдың 8 маусымында премьер-министр Әлихан Смайыловтың орынбасары болып тағайындалып, Алтай Көлгіновтің ізбасары болды. ЕХӘҚ министрі ретіндегі қызметін Дүйсенова 2023 жылдың 2 қыркүйегінде аяқтады, бірақ премьер орынбасары болуын жалғастыра берді.

Жеке өмірі

Тамара Дүйсенова қазақ, орыс, ағылшын, неміс және өзбек тілдерін меңгерген.

Тамара Дүйсенова әкесінің «азан шақыртқан» және шынайы есімі Қасым екенін және әкесінің есімі Қасымқызы деп жазылса дұрыс көретінін айтып кеткен. Дүйсенованың сөзінше қазақтың дәстүрлік себебінен құжатта әкесінің аты Босымбек деп жазылып қалған.

Марапаттары

Тамара Дүйсенованың марапаттар тізімі:

• Қазақстан тәуелсіздігіне 10 жыл медалі (2001);
• Қазақстан Конституциясына 10 жыл медалі (2005);
• Құрмет ордені (2010);
• 3-дәрежелі Барыс ордені (2024).

Қосымша ақпарат

1. Жеке өмірі бөлімін көріңіз

Дереккөздер

1. Дуйсенова Тамара Босымбековна (Касымовна)  (орыс.). online.zakon.kz. Тексерілді, 7 қыркүйек 2023.
2. Дүйсенова Тамара Босымбекқызы  (қаз.). inbusiness (2 қыркүйек 2023). Тексерілді, 8 қыркүйек 2023.
3. Тамара Дүйсенова премьер-министрдің орынбасары болып тағайындалды  (қаз.). informburo (8 маусым 2023). Тексерілді, 8 қыркүйек 2023.
4. Т. Дуйсенова назначена Министром труда и социальной защиты РК  (орыс.). online.zakon.kz (27 июня 2013). Тексерілді, 8 қыркүйек 2023.
5. О назначении Дуйсеновой Т.Б. Министром здравоохранения и социального развития Республики Казахстан  (орыс.). online.zakon.kz (6 августа 2014). Тексерілді, 8 қыркүйек 2023.
6. Тамара Дүйсенова ҚР еңбек және халықты әлеуметтік қорғау министрі болып тағайындалды  (қаз.). Қазақстан премьер-министрінің ресми сайты (25 қаңтар 2017). Тексерілді, 8 қыркүйек 2023.
7. Мемлекет басшысының Жарлығымен Тамара Босымбекқызы Дүйсенова Қазақстан Республикасының Еңбек және халықты әлеуметтік қорғау министрі қызметінен босатылды  (қаз.). Қазақстан президентінің ресми сайты (9 ақпан 2018). Тексерілді, 8 қыркүйек 2023.
8. Мәдина Әбілқасымова Еңбек министрі болып тағайындалды  (қаз.). Сыр бойы: Қызылорда облыстық гәзеті (9 ақпан 2018). Тексерілді, 8 қыркүйек 2023.
9. Тамара Дүйсенова премьер-министрдің орынбасары болып тағайындалды  (қаз.). informburo (8 маусым 2023). Тексерілді, 8 қыркүйек 2023.
10. ҚАПАЛБАЕВА, Жанат Светлана Жақыпова Еңбек және халықты әлеуметтік қорғау министрі болды  (қаз.). (2 қыркүйек 2023). Тексерілді, 8 қыркүйек 2023.
11. Тамара Дүйсенова Үкімет басшысының орынбасары болды  (қаз.). Азаттық рухы (2 қыркүйек 2023). Тексерілді, 8 қыркүйек 2023.
12. Тамара Дүйсенова әкесінің аты неге екі түрлі жазылатынын түсіндірді  (қаз.). NUR.kz (4 наурыз 2016). Тексерілді, 8 қыркүйек 2023.
13. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2
14. Республика күні қарсаңында ғалымдар, мұғалімдер, құтқарушылар мен өндіріс үздіктері марапатталды  (қаз.). informburo.kz (23 қазан 2024). Тексерілді, 23 қазан 2024.