Snickers сүт шоколадымен құйылған қуырылған жержаңғақ карамель нуга шоколад батон кәмпиті Америка Құрама Штаттарындағы е

Snickers ─ сүт шоколадымен құйылған қуырылған жержаңғақ, карамель, нуга шоколад батон кәмпиті. Америка Құрама Штаттарындағы ең өтімді өнімдердің бірі. Алғашында өнім Marathon деген атқа ие болғаннан кейін Ұлыбритания және Ирландияда сатыла бастайды. Кейінірек Snickers деген атқа ие болып, бүкіл әлемде сатыла бастайды.

Тарихы

Батонша 1923 жылы Америка Құрама Штатындағы кондитер Фрэнк Марс дайындап шығарады. Алайда 1930 жылдан бастап қана өнімді көлемді түрде шығара бастайды. 1929 жылы Чикагода (АҚШ) шоколад фабрикасы салынып, алғаш Snikers өнімі дайындалып шығарыла бастайды. Өнімнің атауы Mars Incorporated компаниясының негізін салушы Марс отбасының сүйікті жылқысының есімінен шыққан.

Сникерс Ресейде

Ресейде Сникерс алғаш 1992 жылы түскі астың орнына қолданыла бастайды. Жаңа шоколад Ресей қалаларындағы жасөспірімдердің арасында кеңінен қолданысқа ие бола бастайды. «Profi Online Research» аналитикалық компаниясы күніне әрбір бесінші жас адам шоколад батоншаларын сатып алатындығын анықтаған. Жарнама компанияларының жақсы жұмыс істеуінің нәтижесінде батоншалардың нарықта сатылымының өсіп, танымал бола бастайды.

Демеуші

1949 жылы Snikers атақты америкалық Howdy Doody телешоуының демеушісі болады.
1984 жылы Лос-Анджелестегі Олимпиядалық ойындарының демеушісі болады.
1994 жылы Snikers бренді Америка Құрама Штатында өткізілген футболдан Әлем Чемпионатының демеушісі болады.

Өнімнің құрамы

Салындысы─ арахис, глюкозалы шәрбат, өсімдік майы, қант, майсыздандырылған құрғақ сүт, қант, тұз, құрғақ сүт ақуызы, бидай ұны, ванилин. Шоколады ─ қант,какао майы, лактоза, қанықсыздандырылған сүт майы, соя лецитині, ванилин, майсыздандырылған құрғақ сүт.

Сақталу температурасы 5..22ºС
Энергетикалық құндылығы (100 г-на) 510 ккал
Ақуыз (100 г-на) 8.6 г
Май (100 г-на) 28.0 г
Көмірсутек (100 г-на) 55.5 г

Ассортимент

Әлемдік нарықта Snickers батоншаларының дайындалуының әр түрлі нұсқалары кездеседі. Ресейде, жеке сатылымдарда, батоншалардың келесі түрлері кездеседі:

Snickers ─ 55 грамм
Snickers Super ─ бір батоншасы 95 грамм (2009 жылға дейін 100 грамм)
Snickers орман жаңғағымен ─ 70 грамм
Snickers шемішкелермен ─ 55 грамм
Snickers Super (2010 жылы) ─ 101 грамм (бір ормада 50,5 грамды 2 батонша)

Snickers Urbanия фестивалі

Snickers Urbanия фестивалі әлемнің көптеген елдерінде өткізіледі, Ресейде фестиваль 2001 жылдан бастап болса, Қазақстанға 2004 жылы келген.

Snickers Urbanия ─ жыл сайын өтетін жастардың көше мәдениеті фестивалі, ВМХ, паркур, граффити, фристайл тәрізді барлық бағыттарды қамтиды. Сондай-ақ фестиваль аясында жас ән топтарына арнап коммерциялық емес байқаулар өткізіледі.

Қызықты айғақтар

Сникерстен салат дайындауға болады.
Марс компаниясы шығаратын Сникерс атты балмұздақ атауы бар.
2009 жылы Ұлыбританияда Сникерс және Марс батоншаларының көлемі 7%-ға азайып шығара басталған.
«Марс» және «Сникерс» шоколадын шығаратын MasterFoods компаниясының президенті Энди Вэстон–Уэбб Австралия азаматтарынан батоншаларды сатып алмауды өтінді, деп хабарлайды ҚазАқпарат ресейлік «Утро.ру» сайтына сілтеме жасап, ол сондай-ақ , жақында шоколад сатып алғандарға оларды лақтырып тастауға кеңес берді. Вэстон-Уэббтің айтуынша, белгісіз бір қылмыскерлер компанияға хат жолдап, компания шығарған жеті батоншаны улағанын айтқан. Полицияда жасақталған арнайы MasterFoods компаниясына хат жолдаған адамды іздестіру үстінде.