Оразғали Бурабаев

Оразғали Бурабаев (1898, бұрынғы Сырдария облысы, Қазалы уезі, Заңғар болысы, 1938) – , саяси қуғын-сүргін құрбаны. 1933 жылы Мәскеудегі бітірген. 1918 – 19 жылдары Қазалыда балалар коммунасының нұсқаушысы, Ырғызда земство басқармасының көшірушісі болды. 1919 – 20 жылдары 2-Қостанай қазақ атты әскер полкінің құрамында болды, кейіннен Орынбор қаласындағы атты әскер командирлерін даярлайтын курста оқыды. 1921 – 22 жылдары 16-дүнген полкінде қызмет етті. 1922 – 24 жылдары Ташкент қаласында Түркістан облысы партия коммитетінің нұсқаушысы, Қарақалпақ облысы коммитетінде бөлім меңгерушісі, Қазалы уездік атқару коммитеті төрағасының орынбасары, 1924 – 26 жылдары Ташкентте мемлекеттік мүлік және жерге орналастыру бөлімдерінің меңгерушісі, Әулиеата уездік атқару коммитетінің төрағасы болды. 1927 – 29 жылдары Қазақ ет өнімдері басқарамасының төрағасы, Көкшетау округтік атқару коммитетінің төрағасы, Петропавл округтік атқару коммитеті төрағасының орынбасары, 1929 – 30 жылдары Ақмолада “Қарағандыкөмір” тресті басқарушысының орынбасары, 1933 жылдың тамызынан 1934 жылдың ақпанына дейін Қазақ АКСР-і егін шаруашылығы халық комиссарының орынбасары, 1934 – 36 жылдары Түркістан облысы жер басқармасының бастығы, 1936 жылдың тамызынан 1937 жылдың қазанына дейін Қазақ КСР-і әділет халық комиссары қызметтерін атқарды. 1937 жылы қазанда тұтқындалып, ату жазасына кесілді. 1959 жылы қаңтарда ақталды.

Дереккөздер

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том