Ойыл (өзен)

 Басқа мағыналар үшін Ойыл деген бетті қараңыз.

Ойыл – Жайық алабындағы өзен.

Ойыл
Сипаттамасы
Ұзындығы	800 км
Су алабының ауданы	31 500 км²
Бастауы	Мұғалжар тауы
• Координаттары	49°32′ с. е. 56°48′ ш. б. / 49.533° с. е. 56.800° ш. б. / 49.533; 56.800 ^(G) ^(O) ^(Я)^(T)
Сағасы	Каспий маңы ойпаты
• Координаттары	48°35′ с. е. 52°28′ ш. б. / 48.583° с. е. 52.467° ш. б. / 48.583; 52.467 ^(G) ^(O) ^(Я)Координаттар: 48°35′ с. е. 52°28′ ш. б. / 48.583° с. е. 52.467° ш. б. / 48.583; 52.467 ^(G) ^(O) ^(Я)^(T)
Орналасуы
Ел	Қазақстан
Аймақ	Ақтөбе, Атырау және Батыс Қазақстан облыстары

Географиялық орны

Ақтөбе, Атырау және Батыс Қазақстан облыстары жерімен ағады.

Бастауы

Ақтөбе облысындағы Қандыағаш темір жол станциясының солтүстік-батысында 50 км жерден басталып, Тайсойған құмында (Атырау облысы) бірнеше тармаққа бөлініп, Каспий маңы ойпатындағы Жалтыркөл, Ақтөбе көлдері аралығындағы Қаракөл қонысы тұсында тартылып қалады (ертеде Жайық өзеніне құйған).

Гидрологиясы

Ұзындығы 800 км, су жиналатын алабы 31 мың км². Өзеннің жоғарғы және орта бөлігіндегі аңғары терең сай-жырамен тілімденген, төменгі бөлігі белесті жазықпен ағады. Негізгі арнасының ені 20 – 40 м. Жер асты, жауын-шашын суымен толығады. Көктемде қар суымен өзен деңгейі көтеріледі, минералдылығы азаяды. Жазда иірімдерге бөлініп тұздылығы артады. Жылдық орташа су ағымы Миялы ауылы тұсында 10,8 м³/с. Ірі салалары Ащыойыл, Кенжалы, Қайыңды, Қиыл. Жайылмасы – Ақтөбе, Атырау облыстары шаруашылықтарының шабындығы. Суымен егін, мал суарылады. Өзен бойына Миялы, Ойыл, т.б. елді мекендер орналасқан. Наурыз-мамырда тасып, су деңгейі 10 м, одан да жоғары көтеріледі.

Дереккөздер

1. Қазақ тілі терминдерінің салалық ғылыми түсіндірме сөздігі. Су шарушылығы. – Алматы, Мектеп, 2002.
2. Қазақ энциклопедиясы – 7 - том