Нұрболат Едігеұлы Масанов

Нұрболат Едігеұлы Масанов (20 сәуір 1954, Қарағанды - 5 қазан 2006, Алматы) - тарихшы, этнограф, саясаттанушы. Тарих ғылымдарының докторы, профессор.

Өмірбаяны

Орта жүздің Қыпшақ руынан. 1954 жылы 20 сәуірде Қарағанды қаласында тарихшы Едіге Айдарбекұлы Масановтың отбасында дүниеге келді. Атасы Айдарбек Баймұхаммедұлы Масанов— Алаш қозғалысының қайраткері, репрессияларға ұшырап, лагерьде қайтыс болды.

Киров атындағы ҚазМУ бітірген.

• 1976-1986 жылдары Қазақстан Ғылым Академиясының тарих, археология және этнография институтының аға лаборанты, кіші, аға ғылыми қызметкері;
• 1986-1988 жылдары Қазақстан Ғылым Академиясының Қоғамдық ғылымдар бөлімшесінің ғылыми хатшысы;
• 1988-1991 жылдары Ресей Ғылым Академиясының Этнология және антропология институтының докторанты;
• 1992-1998 жылдары ҚазМУ доценті, профессоры болып жұмыс істеді.

Масанов Адам құқықтары мен заңдылықты сақтау жөніндегі Қазақстан халықаралық бюросын құрғандардың бірі болды. 1996-1999 жылдары — "Сорос-Қазақстан" Қорының Басқарма мүшесі. 1998 жылы Әкежан Қажыгелдинмен бірге Қазақстан Республикалық Халық партиясын (ҚРХП) құрды. 1999 жылғы қазаннан бастап Қазақстанның демократиялық күштер форумының тең төрағасы, 2001 жылғы желтоқсаннан бастап Қазақстандық саяси ғылымдар қауымдастығының президенті болды.

Нұрболат Масанов 2006 жылдың 5 қазанында Алматыда мейрамханада уланып қайтыс болды. Кеңсай зиратында жерленген.

Дереккөздер

1. https://turkystan.kz/article/49336-n-rbolat-masanov-aza-tili-sayasi-saudany-rbany-bolmauy-tiis/

Сілтемелер

• Абылхожин Жулдуз Бекмухамедович, Масанов Нурбулат Эдигеевич Эдиге Масанов: судьба человека, судьба семьи, судьба страны // Вестник Евразии. 2007. №4. URL: https://cyberleninka.ru/article/n/edige-masanov-sudba-cheloveka-sudba-semi-sudba-strany (дата обращения: 23.01.2022).
• Нұрболат МАСАНОВ: ҚАЗАҚ ТІЛІ САЯСИ САУДАНЫҢ ҚҰРБАНЫ БОЛМАУЫ ТИІС
• Масанов, Нурболат Эдигеевич
• Нурболата Масанова похоронили рядом с Алтынбеком Сарсенбаевым