Едіге Айдарбекұлы Масанов

Едіге Айдарбекұлы Масанов (9 ақпан 1922(19220209), Семей — 14 шілде 1965, Алматы) — қазақ кеңес этнографы.

Едіге Айдарбекұлы Масанов
Туған күні	9 ақпан 1922 (1922-02-09)
Туған жері	Семей
Қайтыс болған күні	14 шілде 1965 (1965-07-14) (43 жас)
Қайтыс болған жері	Алматы
Азаматтығы	ҚазКСР
Ғылыми аясы	этнограф
Жұмыс орны	ҚазКСР Ғылым академиясы

Өмірбаяны

Мәскеудің М.В. Ломоносов атындағы университеттің тарих факультетін бітірді. КСРО ҒА Миклухо-Маклай атындағы этнография институтында "19 ғасырдың 2 жартысы - 20 ғасырдың басындағы қазақ халқының үй кәсіпшілігі мен қол өнері" деген тақырыпта кандидат диссертация қорғады. ҚазКСР Ғылым академиясы Ш.Ш. Уәлиханов атындағы Тарих, археология және этнография институтында аға ғылыми қызметкер болып істеп, республиканың әр түрлі аудандарына жіберілген этнография экспедицияларды басқарды. Ш. Уәлиханов пен Ы. Алтынсарин жайлы құнды деректер жариялады. Оның "КСРО-дағы қазақ халқын этнографиялық тұрғыдан зерттеу жөніндегі очерктері" - революцияға дейінгі Қазақстан жайлы этнографиялық тұңғыш шығарма.

Отбасы

Баласы — Нұрболат Едігеұлы Масанов.

Дереккөздер