Марал Қазкенұлы Томпиев 1963 жылы 11 қаңтарда Қарағанды қаласында туған Қазақ Арғын тайпасы Қаракесек руының Керней бұта

Марал Қазкенұлы Томпиев - 1963 жылы 11 қаңтарда Қарағанды қаласында туған. Қазақ. Арғын тайпасы, Қаракесек руының Керней бұтағынан шыққан. Әкесі - Томпиев Қазкен Қалиұлы, ҚР Еңбек сіңірген құрылысшысы, Еңбек сіңірген зейнеткер. Анасы - Томпиева Роза Бекенқызы, ҚР Еңбек сіңірген дәрігері, Еңбек сіңірген зейнеткер, жеке кәсіпкер. Алматы сәулет-құрылыс институтының құрылыс факультетін үздік бітірген (1985), мамандығы - «Өндірістік азаматтық құрылыс», инженер-құрылысшы. Оксфорд университетінде (Англия), Лимерик университетінде (Ирландия) білім алған. Оңтүстік Кореяда стратегиялық басқару және менеджмент бойынша тәжірибе жинақтаған. Тәуелкелді басқару, бақылау ұйымдарының жүйелері мен шағын және орта кәсіпкерлікке еңбекақы төлеу саласының маманы. Экономика ғылымдарының кандидаты (1994). . ¥лттық (2002 жылдан) және Халықаралық (2006 жылдан) инженерлік академиялардың корреспондент-мүшесі. «Әкімшілік кедергілер және Қазақстанның жартылай заңды экономикасы» (2004) кітаптарының тең авторы. Шағын және орта кәсіпкерлікті дамыту бойынша 100- ден астам жарияланымның авторы. «Шағын кәсіпкерлік субъектілеріне жиынтық салық салу үшін Алматы мегаполисі аумақтарының экономикалық картасын жасау әдіснамасы» (2001), «Қазақстан Республикасы сауда нарқының жасырын әрекеттерін заңдастыру әдіснамасы» (2003), «Кәсіпкерлердің жасырын активтері мен мүліктерін заңдастыру» (2003) мемлекеттік куәліктерінің иегері. Қазақ, орыс және ағылшын тілдерін біледі. 1985 жылдан - Кеңес Әскерінің қатарында қызметте. 1987 жылдан - ҚазКСР ІІМ ҚМБ шебері, жумыстарды атқарушысы (Алматы қ.). 1988-1990 жылдары - темір бетон бұйымдарды жасайтын «Береке» жекеменшік өндірістік кооперативінің құрылтайшысы. 1991 жыл- дан - «Возрождение» халықаралық концерні жанындағы « жекеменшік коммерциялық орталығының (Мәскеу қ.) қүрылтайшысы, директоры. 1995 жылдан бері - «Медина» шағын кәсіпорындар кешені» жекеменшікбизнес-инкубаторы және құрылыс материалдары дүкендері желісінің құрылтайшысы, президенті. Алматы кәсіпкерлер бірлестігінің құрылтайшысы, вице- президенті (1998 жылдан). ҚР табиғи монополияны реттеу агенттігі, Алматы қаласы Кеден және Салық комитеттерінің сарапшысы. Алматылық «Алтын-жебе» садақпен ату ұлттық федерациясының вице-президенті. Қазақстан кәсіпкерлері кеңесінің мүшесі. Қайырымдылық шараларымен айналысады. Кәсіпкерлер форумының, сауда кәсіпорындары конгресінің қатысушысы. «Ерен еңбегі үшін» медалімен (2010), Алматы қаласы әкімінің құрмет грамоталарымен, ҚР табиғи монополия- ны реттеу агенттігі, ҚР туризм және спорт министрлігі, ҚР кәсіпкерлері форумының грамоталарымен марапатталған. Әскери атағы - запастағы аға лейтенант. Саяси қайраткер ретіндегі идеалы - Н.Ә. Назарбаев. Хоббиі - саяхат жасау, автотуризм, аңшылық, балық аулау. Сүйіп оқитын әдебиеті - Еуразия көшпелі халықтарының экономикалық даму тарихы. Үйленген. Жұбайы - Томпиева Гүлнәр (1970 ж. т.), бас есепші. Қызы - Томпиева Мәдина (1992 ж. т.), Пекин мемлекеттік университетінің студенті; ұлы - Томпиев Қазыбек (1996 ж. т.), қазақ-түрік лицейінің оқушы.

Дереккөздер

Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.

[1] Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2