Киров халық театры

Киров халық театры — Театрдың негізі алпысыншы жылдардың басында драма үйірмесінен басталды. Бастапқыда шағын скетч, интермедия қойып, шеберліктерін шыңдап, 1986-1994 жылдары Б.Майлиннің “Шұғаның белгісі”, С.Жүнісовтың “Ажар мен ажал”, М.Әуезовтың “Айман — Шолпан”, “Еңлік—Кебек”, Ғ.Мүсіреповтың “Қыз Жібек”, “Күтпеген кездесу” және басқа қойылымдарды сахнаға шығарды. 1967 жылы ұжым “Халық театры” атағына ие болды. Театрдың қалыптасуына, шығармашылық жетістіктерге қол жеткізуге оның жетекшісі, әрі режиссері, 3.Ысмағұловтың еңбегі зор. Халық театрының белді әртістері Н.Қалиев, С.Қайыров, М.Есмұханов, С.Жұманиязов, М.Әлсымақов, “Құс жолы” көркем филімінде басты ролдердің бірін ойнаған С.Қуанышбаев, А.Хамзин, Б.Қалиев, П.Әбенова, С.Марданова, М.Құмарғалиева және басқалары облыс, Алматы сахналарында өнер көрсетіп, бірнеше рет лауреат атанды. Кейінгі толқын ішінде Ж.Әйтекешов, С.Садықов, Г.Жұманиязова, Ш.Тәжібаев, Б.Балтаев, Қ.Қалиеваларды атауға болады. Халық театрының режиссері Жексенбай Әйтекешов /2001 ж./

Дереккөздер

1. Атырау облысы Құрманғазы ауданының қысқаша энциклопедиясы. «ҚазПолиграфОрталығы» ЖШС, Алматы, 2001