Кеңес Мұстаханұлы Аухадиев 27 желтоқсан 1938 23 қаңтар 2022 кеңестік және қазақстандық мемлекет және партия қайраткері Қ

Кеңес Мұстаханұлы Аухадиев (27 желтоқсан 1938 — 23 қаңтар 2022) — кеңестік және қазақстандық мемлекет және партия қайраткері. Қазақстан КП Алматы облыстық комитетінің бірінші хатшысы (1978–1985). КСРО Жоғарғы Кеңесінің Ұлттар кеңесінің депутаты (1979–1984).

Кеңес Аухадиев

Кеңес Аухадиев 2013 жылы

Лауазымы

Ту	Қазақстан КП Алматы облыстық комитетінің бірінші хатшысы

28 сәуір 1978 — 29 қыркүйек 1985

Ізашары

Асанбай Асқаров

Ізбасары

Марат Меңдібаев

Ту	Алматы қалалық атқару комитетінің төрағасы

1975 — 1978

Ізашары

Есен Дүйсенов

Ізбасары

Әнуар Жақыпов

Ту	Қазақстан КП Алматы қаласы Совет аудандық комитетінің бірінші хатшысы

1971 — 1975

Өмірбаяны

Партиясы

КОКП

Білімі

Қазақ ұлттық аграрлық университеті

Дүниеге келуі

27 желтоқсан 1938
Ақын Қалқа ауылы, Көксу ауданы, Жетісу облысы, Қазақ КСР, КСРО

Қайтыс болуы

23 қаңтар 2022 (83 жас)

Әкесі

Мұстахан Аухадиев

Анасы

Зинатай-алай Аухадиева

Марапаттары

Өмірбаяны

Ысты руынан шыққан. 1938 жылғы 27 желтоқсан күні қазіргі Жетісу облысы, Көксу ауданы, Мұқыры ауылдық округі, Ақын Қалқа ауылында дүниеге келген. Әкесі Ұлы Отан соғысында қайтыс болған соң, анасы Кеңесті жалғыз тәрбиелеген.

1957 жылы Сарыөзек орта мектебін бітірген соң, Талдықорған ауыл шаруашылығы техникумында, Қазақ ауыл шаруашылығы институтында оқыған.

1960 жылы Панфилов ауданында Ленин колхозында трактор-егіс бригадасының жетекшісі ретінде еңбек жолын бастады.

1962 жылы Панфилов ауданы комсомол комитетінің 1-хатшылығына сайланды.

1966 – 1975 жылдар аралығында Қазақстан Лениндік Коммунистистік жастар одағының (комсомол) аппаратында, Алматы облысының комсомол комитетінде және т.б. Республикалық жастар ұйымдарында лауазымды қызметтер атқарды.

1971 – 1975 жылдар аралығында Алматы қаласы Совет аудандық (қазіргі Алмалы ауданы) партия комитетінің бірінші хатшысы болды.

1975 – 1978 жылдар аралығында Алматы қалалық атқару комитетінде төрағалық етті.

1978 жылғы 28 сәуірден бастап Алматы облыстық партия комитетінің 1-хатшысы қызметін атқарды. Қазақстан коммунистік партиясының бірінші хатшысы Дінмұхамед Қонаевтың адал жолдасы болған. 1985 жылдан бастап Кеңес Одағының коммунистік партиясының жаңадан келген бас хатшысы Михаил Горбачев Қонаевқа қарсы іс-әрекеттер бастағанда, Кеңес Аухадиев Қонаевқа қарсы сөз сөйлеуден бас тартып, оны қызметінен босатқан.

Қызметінен босатылған соң, 47 жасар Кеңес Аухадиев партия басшылығынан біржолата ысырылып, өз мамандығы бойынша жұмыс істей бастады.

1985 жылдан бастап Республикалық "Главриссовхозстрой" жүйесінде жұмыс істеді.

Кейіннен Д.Қонаев қорының вице-Президенті болған.

2022 жылғы 23 қаңтар күні қайтыс болды. Кеңсай зиратында, Д.Қонаев бейітінің жанында жерленген.

Марапаттары

Қазан төңкерісі ордені;
Үш мәрте "Құрмет белгісі" орденімен марапатталған.
Парасат ордені (2013)
"Астанаға 20 жыл" медалі (2018)

Құрметті азамат

Алматы облысының құрметті азаматы
Алматы қаласының құрметті азаматы
Еңбекшіқазақ ауданының құрметті азаматы
Панфилов ауданының құрметті азаматы
Көксу ауданының құрметті азаматы
Балқаш ауданының құрметті азаматы

Дереккөздер

Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Ысты — Алматы: Издательство Өнер, 2003, 2005. — ISBN 9965-595-60-7.
Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3

[1] Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Ысты — Алматы: Издательство Өнер, 2003, 2005. — ISBN 9965-595-60-7.

[2] Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3