Иран Әмірұлы Әміров

Иран Әмірұлы Әміров

Иран Әмірұлы Әміров

1944 жылы 15 қыркүйекте Қызылорда облысы Жалағаш ауданының Қаракеткен стансасында туған. Қазақ

Әкесі - Мергембаев Әмір (1897-1954). Анасы - Мергембаева Қантым (1905-1991).

С.М. Киров атындағы Қазақ мемлекеттік университетінің заң факультетін бітірген (1971), құқықтанушы.

Қазақ және орыс тілдерін біледі.

1963-1966 жылдары - Қызылорда электр желілері басқармасында электрмонтажшы, электрик. 1970 жылдан -Новороссийский аудандық сотында сынақ мерзімінен етуші, Ақтөбе қалалық сотының судьясы. 1974 жылдан - Фрунзе аудандық сотының судьясы. 1975 жылдан - Ақтөбе облысының Октябрь аудандық сотының судьясы, төрағасы. 1982 жылдан - Ақтөбе облысының Алға аудандық сотының төрағасы. 1991 жылдан - Ақтөбе қалалық сотының төрағасы. 1995 жылдан - Ақтөбе облыстық сотының төрағасы. 2004 жылдан бері - ҚР Парламенті Сенаты 3-ші шақырылымының депутаты, Заңнама және құқықтық мәселелер комитетінің мүшесі.

ҚР Жоғарғы Сот Кеңесінің мүшесі (2004-2008). ҚР Сот атқарушылары одағының төрағасы. ҚазКСР Еңбек сіңірген заңгері (1989). ҚР Құрметті судьясы (2001). «Құрмет» орденімен (2007), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006), «Астананың 10жылдығы» (2008) медальдарымен; «Үш би» Құрметті белгісімен (2004); ҚР Әділет министрлігінің (1999), ҚР Соттар одағының құрмет грамоталарымен (2002) марапатталған.

Діни көзқарасы - мұсылман.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Өркендеуші».

Хоббиі - өсімдіктер өсіру, аңшылық, балық аулау, әдебиеттер оқу.

Сүйіп оқитын әдебиеті - классикалық шығармалар.

Үйленген. Жұбайы - Әмірова Бану Қожахмет қызы (1949 жылы туған). Қыздары - Ләззат (1972 жылы туған), Жанат (1974 жылы туған); ұлы - Гани (1977 жылы туған).

Дереккөздер

1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2