Еспелісай газ кен орны

Еспелісай газ кен орны — Оңтүстік Маңғыстау ойысымының Жазгүрлі ішкі ойысындағы газ кен орны. Ақтау қаласының солтүстігінде 50 км жерде орналасқан.

Еспелісай газ кен орны
44°04′59″ с. е. 51°27′14″ ш. б. / 44.08306° с. е. 51.45389° ш. б. / 44.08306; 51.45389 ^(G) ^(O) ^(Я)Координаттар: 44°04′59″ с. е. 51°27′14″ ш. б. / 44.08306° с. е. 51.45389° ш. б. / 44.08306; 51.45389 ^(G) ^(O) ^(Я)^(T)
Ел	Қазақстан
Аймақ	Маңғыстау облысы
Өнімі	газ
Еспелісай газ кен орны
Еспелісай газ кен орны

Геологиялық құрылымы

Құрылым сейсмобарлау жұмыстарымен Доңға антиклин қатпарымен бірге белгілі болды, анығында, Еспелісай Дөңгенің жалғасы болып табылады. Амплитудасы шағын бұзылыстар арқылы құрылым батыс және шығыс блоктарға бөлінген. Жоғарғы юраның келловей жікқабатындағы өнімді қойнауқаттың беті (-2180 м) арқылы шектелген батыс блоктың өлшемі 10x7 км, шығыс блоктікі (-2140 м) - 3x7 км. Келловей жікқабатының шөгінділерінде қоры шағын газ жатыны анықталды. Жатын қойнауқаттық, тектоникалық тұрғыдан қалқаланған.

Жатыс сипаты

Өнімді қойнауқаттардың жатыс тереңдігі батыс блокта 2182 м, шығыс блокта - 2120 м. Жинауышы кеуекті, кеуектілігі 16%. Блоктардағы қабаттың тиімді қалыңдығы 12,6-13,3 м, газға қаныққан қалыңдығы 2,2-2,9 м.

Қанығуы, құрамы

Газға қанығу коэффициенті 0,44. Еркін газдағы ауыр көмірсутектер 12%-дай, метан-83,9%, көмір қышқыл газы - 1,7%, азот - 0,012%. Жатынның бастапқы қойнауқаттық қысымы 23 МПа, температура 970°С. 9 мм-лік штуцердегі газ шығымы 112 мың м³/тәу болды. Қойнауқат сулары құрамы мен түрі жағынан Доңға кен орнындағы юра шөгінділерінің суларына ұқсас. Кен орны ҚР балансында есепке алынбаған.