Гидроэкология гр hуdor су оікоs үй орын logos ілім жалпы су экожүйелерінің тіршілік жағдайын олардың құрылымын абиоталық

Гидроэкология (гр. hуdor – су, оікоs — үй, орын, logos — ілім) — жалпы су экожүйелерінің тіршілік жағдайын, олардың құрылымын (абиоталық және биоталық бөліктерін қарастыра отырып) және тіршілік заңдылықтарын зерттеумен айналысатын ғылым саласы.

Гидроэкология экологияның бір бөлігі болып табылады. Гидроэкология ғылымының негізгі түсінігі су экожүйелері (сулы экожүйелер). Сулы экожүйелердің құрылымы мен қызметінде ағзалардың тіршілік ортасы болып табылатын су басты рөл атқарады. Сулы экожүйелер катарына: ағын сулар (өзендер, жылғалар, каналдар, бұлақтар), суқоймалар (мұхит, теңіз, көл, бөген, әуіт) және мұздықтар мен батпақтар кіреді. Гидроэкология табиғи және қоғамдық құбылыстарды өзара байланысты объектілерден тұратын күрделі жүйелер ретінде қарастырады, осы жүйедегі құбылыстар мен объектілер арасындағы өзара масса, қуат және акпарат алмасу процестеріндегі судың ерекше рөлін, т.б. зерттейді. Терминді профессор А.А.Тұрсынов 1990 жылы Мәскеуде өткен КСРО гидроэкологтарының 1-съезінде енгізді.

Дереккөздер

Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.