Вильгельм Адальберт Хозенфельд Вильм Хозенфельд нем Wilhelm Adalbert Hosenfeld 2 мамыр 1895 жыл Хюнфельд Германия 13 там

Вильгельм Адальберт Хозенфельд (Вильм Хозенфельд, нем. Wilhelm Adalbert Hosenfeld; 2 мамыр 1895 жыл, Хюнфельд, , Германия — 13 тамыз 1952 жыл, Сталинград маңында, КСРО) — оқытушы, Неміс әскерінің офицері, капитан деңгейіне дейін көтерілген. Екінші дүниежүзілік соғыс кезінде көптеген жазықсыз тұтқындарды құтқарған, солардың ішінде поляк пианисті Владислав Шпильман да бар.

Вильгельм Адальберт Хозенфельд
Wilhelm Adalbert Hosenfeld

Туған күні	2 мамыр 1895 (1895-05-02)
Туған жері	Макенцель, Гессен-Нассау Германия
Қайтыс болған күні	13 тамыз 1952 (1952-08-13) (57 жас)
Қайтыс болған жері	Сталинград төңірегінде
Мемлекет	Германия Үшінші рейх
Қызмет еткен жылдары	1914—1917, 1939—1945
Атағы	капитан (нем. Hauptmann)
Шайқасы	Екінші дүниежүзілік соғыс

Өмірбаяны

Вильгельм католиктер отбасында дүниеге келген, ата-анасы мұғалім. Бірінші дүниежүзілік соғыста да неміс әскеріне қызмет еткен.

1939 жылы вермахтыға шақырылды да, Польша аймағындағы әскери қимылдарды басқаруға жіберілді. Әуелі Пабьянице елді мекенінде біраз қызмет атқарды. Одан соң 1939 жылғы желтоқсанға дейін Венгрув қаласында болды, Кейін Ядуб қаласында жұмыс жасады да, 1940 жылы Варшаваға ауысты. Соғыстың қалған бөлігінде Варшавадан ешқайда ауысқан жоқ. Бұл жерде штаб офицері боп жұмыс істеді.

Соғыс барысында ол көптеген тұтқындарға жасырын түрде қол ұшын береді, 1944 жылы желтоқсанда қираған үйлердің бірінде жасырынып жүрген Шпильманға көмек көрсетеді. Ол жерден кетерде Шпильманның аты-жөнін сұрап алады.

1945 жылы қаңтар айында кеңес әскерлері үлкен күшпен келеді де, Вильгельм тұтқындалады. Кейін Шпильманның таныстарының бірінен өзінің тұтқында отырғанын, көмекке зәру екенін айтып сәлем жолдайды. Кейіндеу Шпильман оны іздеп келеді, бірақ таппайды. Тұтқындар басқа жаққа ауысып кеткен екен. Бұл жайлы Шпильман өзінің естеліктерінде жазған.

Вильгельм 1952 жылы 13 тамызда Сталинград маңында тұтқында жүріп аурудан қайтыс болады.

Қайтыс болғаннан кейін

Шпильманның ұлы Анджей 1984 жылы Польша үкіметіне Хозенфельдті ақтап алу жайлы ұсыныс тастайды, бірақ жауап келмейді. Анджей ғана емес, Шпильманның туыстары мен одан өзге мыңдаған адамдар Хозенфельдті "Әлемді құтқарушы" ретінде ақтап алуды қостайды.

2007 жылы Поляк үкіметі Вильгельмді ІІІ класты орденмен марапаттайды. 2002 жылы түсірілген "Пианист" фильмінде Вильгельмнің рөлін ойнады.

2009 жылы "Әлемдегі турашыл адам" ретінде мойындалды.

Дереккөздер

http://www.haaretz.co.il/news/education/1.1267021

Сілтемелер

Wilm Hosenfeld, A Man Of courage
http://www.shoah.dk/Hosenfeld/ Мұрағатталған 8 қаңтардың 2018 жылы. - The story of Wilm Hosenfeld
Comment on Hosenfeld in conjunction with Roman Polanski’s filmThe Pianist
Page on Wilm Hosenfeld and The Pianist on the website of Hosenfeld’s grandson
«Dziennik» 13 Oct. 2007

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] ttp://www.haaretz.co.il/news/education/1.1267021