Брокгауз бен Ефрон энциклопедиялық сөздігі

Брокгауз Бен Ефрон Энциклопедиялық Сөздігі — (неміс баспагері) бен (орыс баспагері) акционерлік баспа қоғамының бастыруымен шыққан алғашқы іргелі орыс энциклопедиясы. Алғашқы 8 томы профессор И.Е. Андреевскийдің, кейінгілері К.К. Арсеньев пен профессор Ф.Ф. Петрушевскийдің редакторлығымен (1890 — 1907) 86 том болып Санкт-Петербург қаласында шықты. Сөздікті жасауға сол тұстағы орыстың алдыңғы қатарлы оқымысты ғалымдары толық жұмылдырылған. Олардың қатарында Д.И. Менделеев, А.И. Волков, А.И. Бекетов, О.А. Ковалевскийлер де болды. Нақты материалдар мен библиографиялық мәліметтердің молдығы жағынан сөздік құнды анықтамалық еңбек болып саналады. Онда Қазақстанның тарихы, жер-су атаулары, салт-дәстүрлері («Қырғыз-қайсақ», «Арал теңізі», «Үстірт», «Хан», «Номадтар», «Ауыл», «Барымта», т.б.) жөнінде де деректі материалдар берілген. Сөздіктегі Қазақстан тақырыбының негізгі авторлары — Г.Е. Грумм-Гржимайло, Е.Ф. Шмурло, Л.С. Берг, т.б. ғалымдар болды. Сөздіктің 2-ші басылуы « деп аталды. «Жаңа энциклопедиялық сөздікті» «Баспа ісі» деп аталатын акционерлік қоғам 1911 жылдан шығара бастады. 1916 жылда оның шығарылуы тоқтатылды, белгіленген 48 томының 22-і ғана жарық көрді. Ол К.К. Арсеньевтің редакциясымен қайта қаралып өңделді. «Брокгауз — Ефронның» ықшамдалған нұсқасы ретінде жоспарланған бұл басылымға белгілі алаш қайраткері Ә. Бөкейханов автор ретінде қатысқан әрі осы энциклопедияда оған арналған арнайы есімнамалық мақала да берілген.

Брокгауз бен Ефронның Энциклопедиялық Сөздігі

Дереккөздер

1. «Қазақ Энциклопедиясы», 2 том