Бозтұмсық

Бозтұмсық — Ұлытау облысы Ұлытау ауданындағы ауыл, Қаракеңгір ауылдық округі орталығы.

Ауыл
Бозтұмсық
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Ұлытау
Ауданы	Ұлытау
Ауылдық округі	Қаракеңгір
Тарихы мен географиясы
Координаттары	48°45′22″ с. е. 67°31′00″ ш. б. / 48.75611° с. е. 67.51667° ш. б. / 48.75611; 67.51667 ^(G) ^(O) ^(Я)Координаттар: 48°45′22″ с. е. 67°31′00″ ш. б. / 48.75611° с. е. 67.51667° ш. б. / 48.75611; 67.51667 ^(G) ^(O) ^(Я)
Құрылған уақыты	1933
Бұрынғы атаулары	Қаракеңгір
Уақыт белдеуі	UTC+5:00
Тұрғындары
Тұрғыны	▼564 адам (2021)
Сандық идентификаторлары
Автомобиль коды	20
Бозтұмсық Бозтұмсық
Бозтұмсық шекарасы

Географиялық орны

Аудан орталығы - Ұлытау ауылынан солтүстік-шығысқа қарай 38 км-дей жерде, Қаракеңгір өзенінің оң жағасында Байсай өзені құяр жерінде орналасқан.

Халқы

1999 жылы жергілікті тұрғындар саны 1371 адам (719 ер адам және 652 әйел адам) болса, 2009 жылы 962 адамды (525 ер адам және 437 әйел адам) құрады.

2021 жылғы санақ қорытындысы бойынша 564 адамды (317 ер адам және 247 әйел адам) құрады.

Тарихы

Іргесі 1933 жылы Калинин, Коммуна, «1 май» ұжымшарлары негізінде қаланған. 1957 жылы бұл ұжымшарлар біріктіріліп «Қаракеңгір» кеңшары құрылды. Шаруашылықтың мамандандырылған негізгі бағыттары — мал шаруашылығы болды. Жерінің жалпы ауданы 192,5 мың га. Кеңшар негізінде 121 шаруа қожалықтары құрылған (2006).

Инфрақұрылымы

Ауыл орталығында мектеп, дәрігерлік амбулатория, клуб үйі жұмыс істейді. Халық қолөнері (киіз басу, текемет т. б.) кең дамыған. Көркемөнерпаздардың домбыра оркестрі жұмыс істейді. Ауыл басқа елді мекендермен автомобиль жолдары арқылы байланысады.

Дереккөздер

1. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 8 желтоқсанның 2019 жылы.
2. 2021 жылғы ұлттық халық санағының қорытындылары
3. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5