Бектас Әбдіханұлы Бекназаров

Бектас Әбдіханұлы Бекназаров (1956 жылғы 12 қыркүйекте туған) - Қазақстан мемлекеттік қайраткері, Қазақстан Парламенті Сенатының депутаты.

Бектас Әбдіханұлы Бекназаров
Туған күні	12 қыркүйек 1956 (1956-09-12) (68 жас)
Туған жері	Жуалы ауданы, Жамбыл облысы
Азаматтығы	Қазақстан
Білімі	С. М. Киров атындағы Қазақ мемлекеттік университеті (1983)
Партиясы	Нұр Отан

Өмірбаяны

С. М. Киров атындағы Қазақ мемлекеттік университетінің заң факультетін бітірген.

Заң ғылымының кандидаты. Кандидаттық диссертациясын 2004 жылы Ресей Федерациясында қорғаған.

1978-1983 жылдары - Жамбыл қаласы Орталық аудандық сотында сот орындаушы, Жамбыл облыстық атқару комитеті әділет бөлімінің консультанты, аға консультанты.

1984-1990 жылдары - Жамбыл облысы Жуалы аудандық халық сотының судьясы.

1990-1996 жылдары - Жамбыл облыстық сотының мүшесі, қылмыстық істер жөніндегі сот алқасының төрағасы.

1997 жылы - Жезқазған облыстық сотының төрағасы.

1997 – 1999 жылдары - Алматы облыстық сотының қылмыстық істер жөніндегі сот алқасының төрағасы.

2000 жылы - Қазақстан Республикасы Әділет министрлігінің Соттардың қызметін ұйымдастыру департаментінің директоры.

2000 – 2002 жылдары - Қазақстан Республикасы Жоғарғы Сотының судьясы.

2002 – 2006 жылдары - Атырау облыстық сотының төрағасы.

2006 – 2009 жылдары - Алматы қаласындағы мамандандырылған қаржылық сотының төрағасы.

2009-2011 жылдары - Ақтөбе облыстық сотының төрағасы.

2011- 2013 жылдары - Қазақстан Республикасы Жоғарғы Сотының төрағасы.

2013 – 2014 жылдары - Қазақстан Республикасы Жоғары сот кеңесінің төрағасы.

2014 жылы 11 тамыздан - Қазақстан Республикасы Парламенті Сенатының депутаты. Қазақстан Республикасы Президентінің Жарлығымен тағайындалған.

2016 жылғы 16 қыркүйектен бері – Қазақстан Республикасы Парламенті Сенаты Төрағасының орынбасары.

Дереккөздер

1. БЕКНАЗАРОВ Бектас Әбдіханұлы. Өмірбаян. Тексерілді, 4 қыркүйек 2019.
2. Бектас Бекназаров назначен депутатом Сената Парламента РК — указ. Казинформ (11 тамыз 2014). Тексерілді, 4 қыркүйек 2019.