Әли Оразғұлұлы Базанов 24 1 1918 Бішкек 1944 Харьков маңында жауынгер композитор Алматыдағы 14 мектепте оқып музыкадан қ

Әли Оразғұлұлы Базанов (24.1.1918, Бішкек — 1944, Харьков маңында) – жауынгер композитор. Алматыдағы 14 мектепте оқып, музыкадан қосымша дәріс алған. 1932 жылы Мәскеу қаласында жұмысшы жастар факультетінде оқыған. Сонда жүріп студент жастардан ішекті аспаптар оркестрін ұйымдастырған. 1935 жылы түскен, ал 1938—1941 жылы жанынан ашылған Қазақ студиясының композиция бөлімінде білімін жалғастырған. Ұлы Отан соғысы (1941 — 1945) басталысымен өзі сұранып, майданға аттанған. Базанов — “Жастар”, “Бас алға, батырлар”, “Ерлерім”, “Ана толғауы”, “Қызыл жалау”, “Жәмилә қарындас”, т.б. әндердің авторы. “Желсіз түнде жарық ай” (Абай), “Кербез сұлу”, “Ләйлім”, т.б. әндерді фортепианоға түсірген. Ә. Әбішевтің “Қырағылық” драмасына музыка жазған. Базанов - қысқа өмірінің ішінле көп әндер жазып ("Жастар маршы", "Бас алға, батырлар", "Комсомол" т.б) қазақ совет музыкасында белгілі із қалдырған композитор.

Дереккөздер

Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том
Жауынгер композиторлар, А., 1965
Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том

[1] Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9

[2] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том

[3] Жауынгер композиторлар, А., 1965

[4] Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том