Ақжігіт Қалтайұлы Исабеков

Ақжігіт Қалтайұлы Исабеков (25.5.1955 жылы туған, Төле би ауданы ауылы) – генерал-майор (2004). Дулат тайпасы Сиқым руынан шыққан.

Шымкент қаласындағы Қазақ химия-технологиялық институтын бітірген (1977). Еңбек жолын Семей қаласындағы цемент зауытының « цехында смена мастері болып бастаған. 1979 жылы мемлекеттік қауіпсіздік органдарына әскери қызметке шақырылды. Минск қаласындағы КСРО Мемлекеттік қауіпсіздік комитетініңжоғары курсын бітірген соң (1980) Қазақ КСР МҚК-нің Семей облысы бойынша басқармасында офицер болып қызметке кірісті. 1988 – 95 жылдары Ақсуат ауданы бөлімінің бастығы, Аякөз ауданы бөлімінің бастығы, ғ78 танк дивизиясы бойынша әскери қарсы барлау бөлімі бастығы, Семей қаласындағы ғ1 армиялық корпусы бойынша әскери қарсы барлау бөлімінің бастығы міндеттерін атқарды. 1995 – 2000 жылдары ҚР ҰҚК Түркістан облысы бойынша басқармасында қарсы барлау бөлімінің бастығы, Қарсы барлау Бас басқармасы бастығының бірінші орынбасары, департамент бастығының орынбасары, департамент бастығының бірінші орынбасары болды. 2000 – 2001 жылдары ҚР ҰҚК Ақтөбе облысы бойынша департамент бастығы, 2001 жылдың желтоқсан айынан ҚР ҰҚК Атырау облысы бойынша департамент бастығы. «, «Қазақстан Республикасының тәуелсіздігіне 10 жыл», «Ұлттық қауіпсіздікті қамтамасыз етуге қосқан үлесі үшін», «Қазақстан Республикасы ұлттық қауіпсіздік комитетінің құрметті ардагері», 3-дәрежелі «КСРО ҚК мінсіз қызметі үшін» медальдарымен марапатталған. ҚР Ұлттық қауіпсіздік комитетініңқұрметті қызметкері.

Сілтемелер

1. Ә.Дәуітбеков Сиқым Тоғатай шежіресі — Шымкент: ЖШС Кітап, 2015. — ISBN 978-601-7404-68-0.
2. Оңтүстік Қазақстан облысының энциклопедиясы