Ақан Сері - Ақтоқты

"Ақан Сері - Ақтоқты" -

1. трагедия (пьеса авт. Ғ.Мүсірепов, спектакль реж. М.Гольдблат, суретшісі Э.Чарномский). Премьерасы Қазақ академиялық драма театрында 10.3.1942 ж. қойылды. Спектакль кезінде қазақ сахна өнеріндегі биік белес болып бағаланды. Ақан ролін Ш.Айманов, Ақтоқты - Ш.Жандарбекова, Науан хазірет - Қ.Бадыров, Жалмұқан - Е.Өмірзақов, Қоңқай - С.Қожамқұлов, Мылқау балуанды - Қ.Қуаныінбаев ойнады. Бостандық пен әділет, махаббат пен өнер еркіндігі үшін күресті суреттейтін "Ақан Сері - Ақтоқты" трагедиясы 1958 ж. Мәскеуде өткен қазақ әдебиеті мен өнерінің онкүндігінде көрсету үшін "Ақын трагедиясы" деген атпен қайта қойылды. Бірақ 1942 жылғыдан айырмашылығы аз. "Ақан Сері - Ақтоқты" пьесасы әр жылдары астаналық, облыстық, халық театрларының сахналарында сан мәрте қайталанып қойылды.
2. опера (авт. С.Мүхамеджанов, либретто авт. Ғ.Мүсірепов, реж. Б.Омаров, дирижері В.Рутгер, суретшісі Г.Ысмайлова). Премьерасы 23.1.1982 ж. Қазақтың академиялық опера және балет театрында өтті. Алғашқы спектакльде басты партияларды Қазақстанның еңбек сіңірген артистері Х.Қалиламбековамен К.Мыржықбаев орындады. Операның өн бойынан халықтық ән өнері мен кәсіпқой шығармашылықтың терең астасып жатқанын аңғару қиын емес. Мұнда хордың өзіндік орны бар. Халықтық муз. дәстүрінің айшықты беттерін толықтыратын бүл опера комп. Мұхамеджановтың классик. еңбегі.

• Ақан-сері—Ақтоты (трагедия)
• Ақан-сері — Ақтоты операсы

Дереккөздер

1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8