Анатолий Афанасьевич Башмаков

Анатолий Афанасьевич Башмаков

Анатолий Афанасьевич Башмаков

1949 жылы 15 маусымда Солтүстік Қазақстан облысы Булаев ауданы Қарақоға ауылында туған. Орыс.

Әкесі - Башмаков Афанасий Андрианович , марқұм. Анасы - Башмакова Матрена Матвеевна, марқұм.

Петропавл педагогикалық институтының тарих факультетін (1972) қоғамтану және тарих пәндерінің оқытушысы мамандығы бойынша; Целиноград ауылшаруашылық институтының агрономия факультетін (1986) ғалым агроном мамандығы бойынша бітірген. Саяси ғылымдардың кандидаты (2005). Кандидаттық диссертациясының тақырыбы: «Ресей Федерациясы мен Қазақстан Республикасының шекаралық ынтымақтастығының әлеуметтік-саяси мәселелері». Экономика ғылымдарының докторы (2007) . Докторлық диссертациясының тақырыбы: «Қазақстан Республикасының экономикасы және қоғамдық ортасы: өзара ықпалдастық теориясы және механизмі». Қарағанды «Лингва» институты мен атындағы Көкшетау университетінің профессоры. ҚР ұлттық инженерлік академияның мүшесі-корреспонденті .

60-тан астам ғылыми мақаланың, оның ішінде «Логистика Қазақстанның институционалды экономикасындағы дара және жаңа бағыт ретінде», «Экономикалық антропология адамның экономикалық мінез-құлқын зерттеу әдісі ретінде», «Өзара байланысқан құбырлардың заңы», «Генезис және экономикалық мәдениетті көтерудің кейбір мәселелері», «Экономика - этномәдениетті генезистің туындысы», «Моральдық климат - экономикаға әсер етуші жанама механизм», «Өнегелі экономика. Арман немесе шындық», «Джентльмендік келісім және іскерлік бедел», «Бизнестің енегелік негізі», «Халықтық дипломатия - шекаралық ынтымақтастықтың маңызды түрі», «Еуропадағы шекаралық ынтымақтастық тәжірибесі -Қазақстан үшін маңызы» мақалаларының авторы.

«Нұр Отан» ХДП мүшесі (2002 жылдан).

1972 жылдан - Солтүстік Қазақстан облысында мектеп директоры. 1975 жылдан - Солтүстік Қазақстан облысы Сергеев аудандық комсомол комитетінің бірінші хатшысы. 1977 жылдан - Солтүстік Қазақстан облыстық комсомол комитетінің хатшысы. 1978 жылдан - Компартияның СҚО Сергеев аудандық комитетінің ұйымдастыру бөлімінде меңгеруші . 1986 жылдан - Компартияның Солтүстік Қазақстан облыстық комитетінде бөлім меңгерушісінің орынбасары. 1988 жылдан - Компартияның Петропавловск қалалық комитетінің екінші хатшысы. 1992 жылдан - Меммүлік облыстық комитеті төрағасының бірінші орынбасары. 2002 жылдан - «Продкорпорация» облыстық уәкілеттілігі директорының орынбасары. 2002 жылдан - Петропавл қалалық Экономикалық колледжінің директоры. 2002 жылдан бері - ҚР Парламенті Сенатының депутаты, Әлеуметтік-мәдени даму комитетінің мүшесі.

«Нұр Отан» ХДП саяси кеңесінің мүшесі. ҚР Президенті жанындағы Әйелдер ісі және отбасы-демографиялық саясат женіндегі ұлттық комиссиясының мүшесі (2008). «Отан» депутаттық тобының жетекшісі. Қазақстан орыс, казак және славян ұйымдары қауымдастығының төрағасы, Қазақстан орыс, казак және славян ұйымдары қауымдастығы Астана филиалының төрағасы.

«Құрмет» (2005), «Достастық» (2008) ордендерімен; «Ерен еңбегі үшін» (1976), «Қазақстан Республикасының тәуелсіздігіне 10жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006), «Астананың 10 жылдығы» (2008) медальдарымен марапатталған.

Әскери атағы - запастағы капитан.

Қазақстанның болашағы туралы болжамы - «Қазақстан рухани Мекке болады, қазақстандықтар иерархиясының құндылығында мәдениет, ұят және интеллект басымдылығы бірінші орында болады. Экономика әлеуметті құраушыларға бағытталады».

Хоббиі - «Адамдарға қайырымдылық жасау мүмкіндігін жібермеу».

Сүйіп оқитын әдебиеті-құқық, экономика, мәдениет және рухани, тарихи дәстүрлер мен әлеуметтік-этникалық мәселелерге қатысты публицистика мен материалдар, кітаптар мен зерттеулер.

Үйленген. Жұбайы - Башмакова Лариса Васильевна (1954 жылы туған), орыс тілі мен әдебиеті пәндерінің мұғалімі. Қызы - Башмакова Елена Анатольевна (1976 жылы туған), филология ғылымдарының кандидаты.

Дереккөздер

1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2