Алтынбек Сәрсенбайұлы

Алтынбек Сәрсенбайұлы (12 қыркүйек, 1962 жыл, Қайнар ауылы, Райымбек ауданы, Алматы облысы — 11 ақпан 2006 жыл, Талғар ауданы, Алматы облысы) — Қазақстанның мемлекет және қоғам қайраткері, дипломат, журналист. Қазақстанның Ресей Федерациясындағы Төтенше және Өкілетті Елшісі (2002-2003), Ақпарат және қоғамдық келісім министрі (2004),"Ақ жол" саяси партиясының негізін қалаушылардың бірі.

Алтынбек Сәрсенбайұлы
Лауазымы
Ту Қазақстан Республикасының Ақпарат Министрі
Шілде 2004 — Қыркүйек 2004
Президент	Нұрсұлтан Назарбаев
Премьер-Министр	Даниал Ахметов
Ізашары	Сауытбек Абдрахманов
Ізбасары
Ту Қазақстан Республикасының Ресей Федерациясындағы Төтенше және Өкілетті Елшісі
Қаңтар 2002 — Қараша 2003
Ізашары	Тайыр Мансұров
Ізбасары	Қырымбек Көшербаев
Ту Қазақстан Республикасының Қауіпсіздік кеңісінің хатшысы
Мамыр 2001 — Қаңтар 2002
Ту Қазақстан Республикасының Мәдениет, ақпарат және қоғамдық келісім министрі
1999 — 2001
Премьер-Министр	Қасым-Жомарт Тоқаев
Ізашары	Қазақстан Республикасның Ақпарат және қоғамдық келісім министрі
Ту Қазақстан Республикасның Ақпарат және қоғамдық келісім министрі
1997 — 1999
Премьер-Министр	Нұрлан Балғымбаев
Ізашары	Қазақстан Республикасының Баспасөз және бұқаралық ақпарат ұлттық агенттігінің төрағасы
Ту Қазақстан Республикасының Баспасөз және бұқаралық ақпарат ұлттық агенттігінің төрағасы
1995 — 1997
Премьер-Министр	Әкежан Қажыгелдин
Ізашары	Баспасөз және бұқаралық ақпарат министрі
Ту Баспасөз және бұқаралық ақпарат министрі
1993 — 1995
Премьер-Министр
Ізашары	Қуаныш Сұлтанов
Ізбасары	Қазақстан Республикасының Баспасөз және бұқаралық ақпарат ұлттық агенттігінің Төрағасы
Өмірбаяны
Білімі	Мәскеу мемлекеттік университеті
Діні	Ислам
Дүниеге келуі	12 қыркүйек 1962 (1962-09-12) Қайнар ауылы, Райымбек ауданы, Алматы облысы,  Қазақстан
Қайтыс болуы	11 ақпан 2006 (2006-02-11) (43 жас) Талғар ауданы, Алматы облысы,  Қазақстан
Жерленді	Кеңсай зираты
Әкесі	Сәрсенбай Байғұлов
Анасы	Күліхан
Жұбайы	Салтанат Атушева
Балалары	Шолпан, Бекжан
Сайты	www.altynbek.kz
Қолтаңбасы
өңдеу

Өмірбаяны

Ұлы жүздің Албан руының Шоған абыз ұрпағы, Алжан тармағынан.

• 1962 жылы 12 қыркүйекте Алматы облысының Нарынқол ауданының Қайнар ауылында дүниеге келді.
• 1985 жылы журналистика мамандығы бойынша М.С. Ломоносов атындағы Мәскеу мемлекеттік университетін тамамдады. Университетті аяқтағаннан кейін Қазақ телеграф агеттігінде, «Арай-Заря» журналының редакторы, «Өркен-Горизонт» газетінің бас редакторы болып қызмет етті.
• 1992 жылдан А. Сәрсенбайұлы Президент аппаратында, Қазақстан Республикасы Министрлер Кабинетінде жауапты қызметтер атқарды.
• 1993 жылдан бастап он жыл бойы баспа, ақпарат және мәдениет саласының мемлекеттік органдарын басқарды. 1993 жылдан Баспа және ақпарат министрі,
• 1995 жылдан Баспа және ақпарат жөніндегі Ұлттық агенттіктің төрағасы, 1997 жылдан Қоғамдық келісім және ақпарат министрі, 1999 жылдан Қазақстан Республикасы қоғамдық келісім, ақпарат және мәдениет министрі.
• 2001 жылдың мамырынан желтоқсанына дейін Қазақстан Республикасы Қауіпсіздік кеңесінің хатшысы — Қазақстан Республикасы Президентінің Ұлттық Қауіпсіздік жөніндегі көмекшісі. 2002 жылдың қаңтарынан дипломатиялық қызметте, Ресей Федерациясындағы Қазақстан Республикасының Төтенше және Өкілетті Елшісі қызметін атқарған.

Саясат

2003 жылдан бастап А.Сәрсенбайұлы өз еркімен Президентке отставкаға шығуға арыз беріп, қоғамдық-саяси қызметпен айналысты. 2003 жылдың қараша айында «Ақ жол» Демократиялық партиясының ІІІ съезінде бірауыздан тең төраға етіп сайланды. 2005 жылдың сәуірінен «Нағыз Ақ Жол» Қазақстан Демократиялық партиясының тең төрағасы. Алтынбек Сәрсенбайұлы — бірнеше кітаптар мен монографиялар авторы, саяси ғылымдар докторы.

«

Ел азаматтарының бақытты һәм бақуатты өмір сүруі үшін күрестік... Бәріне де уақыт пен халық төреші

»

Өлімі

2006 жылдың 11 ақпанында Алтынбек Сәрсенбайұлын көмекшісі Бауыржан Байбосынов және жүргізушісі Василий Журавлевпен бірге Алматы қаласының сыртында арнайы тобы офицерлерінің қатысуымен жасалған қастандықтың нәтижесінде қаза болды.

2006 жылдың 13 ақпанында сағат 11-ден 40 минут уақытында Алматы облысы Талғар ауданындағы "Көктөбе" ауылы мен "12 бригада" ауылдарының арасындағы ауыл аралық жолдың шетінде оқ тиген жарасымен Алтынбек Сәрсенбайұлының, оның жүргізушісі (Василий Журавлёв) және күзетшісінің (Бауыржа́н Байбосы́н) мәйіті табылды.

Қызметтестері бұл өлімді саяси тұрғыдан өлтірілген өлім деп атады, және бұл өлімге жауапты жоғарғы билік деп айтты.

Осы жылы ақпанның 20-сында Қазақстанның Ұлтық Қауіпсіздік Комитетінің жетекшілері - Қазақстанның Ұлттық Қауіпсіздік Комитетінің төрағасы Нартай Дүтбаев және оның екі орынбасары - Владимир Божко мен Қозы-Көрпеш Қарбусов, сондай-ақ "Арыстан" арнаулы жасағының командирі Сержан Қойбақов отставкаға өтініш берді.

Отставканың себебі, Қазақстанның ақпараттық агенттіктері Сәрсенбаевтың өліміне ҰҚК-нің сол кездегі қызметкерлері қатысқанын хабарлағаннан кейін туындаған айғай-шуға байланысты болды.

Қозы-Көрпеш Карбусов пен Владимир Божконың өтінішінен басқаларының отставкасы қабылданды. Владимир Божко ҰҚК-нің төрағасының міндетін атқарушы болған еді.

Алтынбек Сәрсенбайұлы қоры

Алтынбек Сәрсенбайұлының қазасынан кейін достары, шәкірттері Алтынбек Сәрсенбайұлы атындағы қор құруды ұйғарады.

Дереккөздер

1. https://camonitor.kz/756-.html

Сілтемелер

• Әлиханға атылған оқ Алтынбекті де айналып өтпеді. Серік Жолдасбай(қолжетпейтін сілтеме)
• Өткендегi жағдайлар және басқалары туралы кейбiр ойлар Мұрағатталған 29 маусымның 2011 жылы.
• Алаш барда – Алтынбек тiрi! Мұрағатталған 29 маусымның 2011 жылы.
• Асқар биiк аласармайды Мұрағатталған 29 маусымның 2011 жылы.
• Билiк пен террор немесе «белгiсiз бiреулер» туралы бiрер сөз Мұрағатталған 29 маусымның 2011 жылы.
• Voxpopuli: Алтынбек Сарсенбаев: политик вне времени Мұрағатталған 17 наурыздың 2013 жылы.