Борис Владимирович Асафьев лақап аты Игорь Глебов 1884 1949 музыка зерттеуші композитор педагог қоғам музыка қайраткері

Борис Владимирович Асафьев (лақап аты - Игорь Глебов; 1884-1949), музыка зерттеуші, композитор, педагог, қоғам, музыка қайраткері. КСРО халық артисі (1946), КСРО ғылым академиясының академигі (1943), КСРО Мемлекеттік сыйлығының лауреаты (1943, 1948). Ленинград консерваториясының профессоры (1925). Әуезов пен С. Мұқановтың либреттосына жазылған «Ақан-Зайра» («Дала дастаны») операсының авторы (аяқталмаған). «1935 ж. 20 қарашада М. Әуезов пен С. Мұқанов бірлесіп Қазақ АКСР Оқу халық комиссары Т. Жүргеновке «Композитор Б. Асафьевтің қазақ операсын жазуға кірісуі жөнінде және оған біздің қарым-қатынасымыз жайындағы пікірлеріміз» атты хат жазды». «Казахстанская правда» газетінің арнайы тілшісімен сұхбатында өзін қазақ жазушылары С. Мұқанов пен М. Әуезовтің жазған либреттосы, сондай-ақ либреттоны аударған ақын Всеволод Рождественскийдің шеберлігі тәнті етті деп, қатты қуантқанын атап өтсе (1936), Әуезовке арналған хатында сюжеттік драманың негізі мен лиризмі, іс-әрекет дамуының сезім байлығы мен поэзиялық тереңдігі менің көңіліме өте жақты. Мунда музыкаға деген мол еркіндік, сондай-ақ әдемі образдар мен айқын характерлер бар. Бір сөзбен айтқанда, опералық материалды мен басқадан іздемеймін деген еді (1935).

Дереккөздер

М. О. Әуезовтің өмірі мен шығармашылық шежіресі. А., Ғылым, 1997, 153-бет
Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] М. О. Әуезовтің өмірі мен шығармашылық шежіресі. А., Ғылым, 1997, 153-бет

[2] Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8