Қарақол (Алакөл алабындағы өзен)

Қарақол – Алакөл алабындағы өзен.

Қарақол
Тарбағатай жотасындағы Қарақол өзенінің жоғарғы арнасы
Сипаттамасы
Ұзындығы	184 км
Су алабы	1940 км²
Бастауы	Тарбағатай жотасының батыс сілеміндегі Ақшәулі, Түлкілі таулары.
• Координаттары	47°27′25″ с. е. 81°01′47″ ш. б. / 47.45694° с. е. 81.02972° ш. б. / 47.45694; 81.02972 ^(G) ^(O) ^(Я)^(T)
Сағасы	Сағат ауылының шығысындағы Сасықкөл көлі.
• Координаттары	46°39′56″ с. е. 80°54′29″ ш. б. / 46.66556° с. е. 80.90806° ш. б. / 46.66556; 80.90806 ^(G) ^(O) ^(Я)Координаттар: 46°39′56″ с. е. 80°54′29″ ш. б. / 46.66556° с. е. 80.90806° ш. б. / 46.66556; 80.90806 ^(G) ^(O) ^(Я)^(T)
Орналасуы
Ел	Қазақстан
Аймақ	Абай облысы Аягөз ауданы.

 Басқа мағыналар үшін Қарақол (айрық) деген бетті қараңыз.

Географиялық орны

Абай облысы Аягөз ауданы жерімен ағады. Ұзындығы 184 км, су жиналатын алабы 1940 км².

Бастауы

Бастауын Тарбағатай жотасының батыс сілеміндегі Ақшәулі, Түлкілі тауларынан алып, Сағат ауылының шығысында Сасықкөл көліне құяды.

Гидрологиясы

Жер асты, жауын-шашын суларымен толығады. Жылдық орташа су ағымы Таскескен ауылы тұсында 4,15 м³/с. Жоғарғы ағысы тау шатқалымен, жонды-белесті жерлермен ағады. Таскескен ауылынан төменде арнасы мен аңғары кеңейеді. Қарауыл ауылынан төменде жайылмасы (ені 8-10 км) пайда болады. Сасықкөл көліне құяр сағасында адам өте алмайтын батпаққа айналады. Суы егін суғаруға, жайылмасы шабындыққа пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5