Жүсіп Дүйсенбаев

Жүсіп Дүйсенбаев (1895, қазіргі Форт-Шевченко қаласы – 1952) – ауыл шаруашылығы саласының қызметкері, Социалистік Еңбек Ері (1948). 1910 жылы күнкөріс қамымен Түрікменстанға қоныс аударған. 1931 жылы сол жаққа ауып барған қазақ отбасыларын жинап « серіктестігін ұйымдастырып, кейін ол кеңшарға ауысқанда директоры болды. Бұл кеңшарда қаракөл қойы өсіріліп, республика бойынша үлгілі шаруашылыққа айналды. Қызыл Ту орденімен, «Ерен еңбегі үшін» медалімен марапатталған. Түрікменстандағы Байрам-Әлі уәлаяты «Үш аджы» орта мектебі, ауылда бір көше Дүйсенбаевтың атымен аталады.

Дереккөздер

1. «Маңғыстау» энциклопедиясына, Компьютерлік-баспа орталығы, 2007
2. «Қазақ Совет энциклопедиясы» (12 томдық), Алматы, 1972 – 1978;
3. Маңғыстау энциклопедиясы, Алматы, 1997;