Джон Терри

Джон Джордж Терри(ағылш. John George Terry; 7 желтоқсан 1980 жылы туған, Лондон, Англия) - ағылшын футболшысы, қорғаушы. Англия құрама командасының 2006-2010 және 2011-2012 жылдарының экс-капитаны. Үш дүркін Англия чемпионы. Терри Чемпиондар Лигасының 2004/2005 және 2007/08 маусымдарының үздік қорғаушысы, 2005 жылдың ойыншысы болып тағайындалды, әлем құрамасына төрт жыл қатар кірген: 2005, 2006, 2007 және 2008 жылдары.

Джон Терри
Жалпы мағлұмат
Толық аты	Джон Джордж Терри
Лақап аттары	Джей Ти, Темір адам
Туған күні	7 желтоқсан 1980 (1980-12-07) (43 жас)
Туған жері	Лондон, Англия
Азаматтығы	Англия
Бойы	187
Салмағы	90
Позиция	қорғаушы
Клуб жайлы ақпарат
Клуб	Челси
Жастар клубы 1991—1995 Вест Хэм Юнайтед 1995—1998 Челси Клуб карьерасы 1998—2017 Челси 489 (41) 2000 →  Ноттингем Форест 6 (0) 2017—2018 Астон Вилла 36 (1) Ұлттық құрамы 2000—2002 9 (1) 2003—2012 Англия 78 (6)
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналадысоңғы рет жаңартылды: 6 қазан 2014. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Өмірбаяны

Клубтық

1998 жылдан Лондонның "Челси" клубының сапында ойнады. Алғаш рет 2001 жылы 5 желтоқсанда "Чарьлтон Атлетикпен" болған матчта капитан ретінде шықты.

2000 жылы "Ноттингем Форестке" бір жылға жалға берілді де, "көктердің" сапына қайта оралды. 2006 жылы Англия чемпионатындағы "Редингпен" ойында Терри қақпашы да болған. "Челсидің" қақпашылары бірінен соң бірі (ол кездегі қақпашылары — Чех, Кудичини, Илариу болатын) жараланып, Терри 40-номерлі футболканы киіп, қақпаны күзетіп, гол жібермеді. Айып добын қайтарды. Оған команда басшылары ескерткіш қойса да болады.

Чемпиондар Лигасының 2008 жылғы Мәскеудің "Лужникиіндегі" жаңбырлы финалда пенальтилер сериясы "Челсидің" пайдасына шешілуге шақ қалған сәтте шешуші соққыны тебу Джон Терридің еншісіне бұйырады. Қақпаға енгізсе бітті, (Чемпиондар Лигасының) тағдыры шешіледі. Бірақ қырсыққанда аяғы допқа тиген сәтте сәл ғана тайып кетеді де, доп қақпа бағанасын солқ еткізеді. Гол болмай қалады. Кубокты "Манчестер Юнайтед" қанжығасына бөктереді. Арада төрт жыл өткенде бәрібір лондондық "көктер" Чемпиондар лигасының биігін бағындырады. Мюнхендегі финалда Терри дисквалификациясына байланысты алаңға шыға алмайды. Сонда да кубокты басынан асыра көтеру Терриге де бұйырыпты.

"Челсидің" сапында 500 жуық матч өткізді. 2016 жылы 31 қаңтарда клубпен келісім-шартын тағы бір жылға ұзартты.

Ұлттық құрамада

2003-2012 жылдары құрама сапында 78 матч өткізіп, 6 доп енгізген. Алғашқы матчын маусым айында Сербия және Черногорияға қарсы өткізді. 2004 жылғы Еуропа чемпионатында құрама намысын қорғады.

2006 жылғы Әлем чемпионатының іріктеу турниріндегі Польшамен ойында алғаш рет құрама капитандығын атқарды.

2010 жылғы 5 ақпанда жеке өміріндегі біраз кикілжіңдерге байланысты, ол құрама капитандығынан шеттетілді. 2012 жылы 24 қыркүйекте Джон Терри құрама сапындағы карьерасын тәмамдайтынын мәлімдеді.

Жетістіктері

• Премьер Лига чемпионы: 2005, 2006, 2010, 2014
• Англия кубогының иегері: 2000, 2007, 2009, 2010, 2012
• УЕФА Чемпиондар Лигасының жеңімпазы: 2012,
• УЕФА Еуропа Лигасының жеңімпазы: 2013

Көрсеткіштері

Құрамада

Құрама	Маусым	Жолдастық		Турнирлер		Барлығы
		Ойын	Гол	Ойын	Гол	Ойын	Гол
Англия	2003	3	0	3	0	6	0
	2004	4	0	5	0	9	0
	2005	2	0	4	0	6	0
	2006	5	2	9	0	14	2
	2007	2	1	5	0	7	1
	2008	4	2	2	0	6	2
	2009	4	0	6	1	10	1
	2010	3	0	4	0	7	0
	2011	2	0	5	0	7	0
	2012	1	0	5	0	6	0
Барлығы		30	5	48	1	78	6

Дереккөздер

1. John Terry is proof that boys do cry  (ағыл.), Timesonline.co.uk (20 November 2013). Тексерілді 20 қарашаның 2013.
2. Звездные футболисты и их прозвища  (орыс.), Новости. Лига (20 ноября 2013). Тексерілді 20 қарашаның 2013.
3. Profile: John Terry  (ағыл.), «Челси» ФК ресми сайты (20 November 2013). Тексерілді 20 қарашаның 2013.