Қазына Қазақстанның тұрақты даму қоры ҚР Президентінің Қазақстан Республикасының индустриялық инновациялық саясаты шеңбе

“Қазына” – Қазақстанның тұрақты даму қоры. ҚР Президентінің “Қазақстан Республикасының индустриялық-инновациялық саясаты шеңберінде ұлттық экономиканың бәсекелесу қабілетін одан әрі дамыту жөніндегі шаралар туралы” 2006 ж. 16 наурыздағы Жарлығын іске асыру үшін ҚР Үкіметінің 2006 ж. 15 сәуірдегі қаулысымен құрылған. Қор қызметінің негізгі мақсаты – ұлттық экономиканың әртараптандыру, Қазақстанның экспорттық әлеуетін арттыру, оның аймақтық және әлемдік экономикаға ойдағыдай бірігуін қамтамасыз ету міндеттерін іске асыру шеңберінде еншілес ұйымдарды тиімді басқару арқылы инвестициялық және инновациялық белсенділікке ынталандыру. Осы мақсатта үкімет ұлттық даму институттарын құрды. Олар ұзақ мерзімді келешекте Қазақстан экономикасы құрылымының шикізаттық бағдарлануын бәсеңдетуге, содан соң айтарлықтай қысқартуға мүмкіндік беретін жобаларды іске асыруда тәуекелді инвесторлармен бөлісуге тиіс.Даму институттарының стратегиялық мәні бар ірі инвестициялық жобаларды іске асыруға қатысуы кешенді сипатта болады. “Қазына” қоры – “Қазақстан даму банкі”, “Қазақстан инвестициялық банкі”, “Ұлттық инновациялық қоры”, “Шағын кәсіпкерлікті дамыту қоры”, “-талдамалы зерттеулер орталығы” акционерлік қоғамдарының, “Қазақстанның инвестицияларға жәрдемдесу орталығы” ЖШС-нің, “Экспорттық несиелер мен инвестицияларды сақтандыру жөніндегі мемлекеттік сақтандыру корпорациясы”, “Kazyna Capital Management”, “Әлеуметтік инновациялық технологиялар” акционерлік қоғамдарының бірден-бір акционері. “Қазына” қоры даму институттары қызметінің барлық бағыттарында бастапқы диагностика жүргізе отырып, рәсімдеріне талдау жасады және оларда қаржы тәртібін күшейту мақсатымен бюджеттік жоспарлаудың бірыңғай үдерісін енгізді, қызметіне мониторин жасады. ИСО 9001:2000 халықаралық сапа енгізіле бастады.

Дереккөздер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том

Тағы қараңыз

Самұрық-Қазына

Сыртқы сілтемелер

http://www.samruk-kazyna.kz/page.php
http://i-news.kz/news/2011/05/27/5650582.html(қолжетпейтін сілтеме)
http://www.resurs.kz/catalog/7kazyna
http://www.rfcaratings.kz/ru/node/34 Мұрағатталған 22 қаңтардың 2012 жылы.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том