Қауын (фильм)

Қауын — 1982 жылы "Қазақфильм" студиясында түсірілген Виктор Пусурмановтың комедиялық фильмі. Ғабит Мүсіреповтың осы аттас әңгімесінің желісімен түсірілді.

Қауын
Жанры	Лирикалық комедия
Режиссёрі	Виктор Пусурманов
Сценарийдің авторы	Ғабит Мүсірепов
Композиторы	Нұрғиса Тілендиев
Кинокомпания	Қазақфильм
Мемлекет	КСРО
Тілі	орысша
Шыққан жылы	1982 жыл

Мазмұны

Әйелдердің киімін тігу жөніндегі технолог Болат іссапармен Алматыдан Мәскеуге пойызбен жолға шығады. Пойыз жүре бастаған сәтте бір қыздың жанұшырып пойызға жүгіріп жете алмай жатқанын байқайды да, пойыздың тежегішін тартып тоқтатады. Осынысы үшін 10 сом айыппұл төлейді.

Пойыздан қалып қоя жаздаған қыздың есімі Зайра, мұның купелесі болып шығады. Купедегі тағы бір жолаушы Викентий Егорович үшеуі ә дегеннен достасып, әңгімелері жараса кетеді. Бір станцияға тоқтағанда (“Ақтұмар” вокзалына) Зайра базардан үлкен қауын көргенін айтып, аузының су құрып мақтайды, оны ести сала Болат сол Чарджоудың қауынын Зайраға әкеп бермек болады. Ол әрекеті сәтсіз аяқталады, қауынды алуын алғанымен, пойызға үлгере алмай қалып қояды.

Дереу вокзал басшыларына жолығып, көмек сұрайды. Олар мұны жүрдек пойызға билетсіз отырғызады, бірақ заңсыз мінген Болатты вагон басшылары түсіріп тастайды. Сонда да алып қауынын көтеріп өзінің пойызын қуып жетеді, бірақ Зайра бұған “сіздің заттарыңызды бұдан алдыңғы станцияға (Ново-Сергеевка) тастап кетіп ем” деп кешірім сұрайды.

Қантасында ақшасы қалмаған Болатқа жаңа танысы шофер Вася көмек көрсетеді. Алайда Васяның машинасымен артта қалған заттарын алып, қайта жетем дегенше Зайра Краснодардың пойызына мініп кетеді, де онымен жолыға алмайды. Болат амалсыз үлкен қауынын көтеріп пойызға міне бергенде, тағы бір әйелдің пойызға үлгере алмай келе жатқанын байқайды да, тағы да пойыздың тежегішін тартып тоқтатады. Бірақ осы сәтте қауын қолынан сусып түсіп, жерге түсіп жарылып қалады.

Рольдерде

• Тұңғышбай Жаманқұлов — Болат
• Жанна Қуанышева — Зайра
• Герман Качин — Вася, шофёр
• Мәкіл Құланбаев — ақсакал
• — Викентий Егорович
• Кененбай Қожабеков — «Ақтұмар» станциясының бастығы
• — «Ново-Сергеевка» станциясының бастығы
• Игорь Ефимов — Степан Васильевич, теміржолшы
• — Евгений Харитонович, жүрдек пойыздың бастығы
• Римма Маркова — кассир
• Бикен Римова — жолаушы
• Төлеубек Аралбай — жолаушы
• Құдайберген Сұлтанбаев — жолаушы

Дереккөздер

Сілтемелер

• «Қазақфильмнің» сіз көруге тиіс 5 туындысы