Фабьен Бартез

Фабьен Ален Бартез (фр. Fabien Alain Barthez; 28 маусым 1971 жыл, , Франция) — франциялық футболшы, қақпашы. 1998 жылғы әлем чемпионы, 2000 жылғы Еуропа чемпионы.

Фабьен Бартез
Жалпы мағлұмат
Толық аты	Фабьен Ален Бартез
Туған күні	28 маусым 1971 (1971-06-28) (53 жас)
Туған жері	Лавлан, Франция
Азаматтығы	Франция
Бойы	180 cм
Позиция	қақпашы
Клуб жайлы ақпарат
Клуб	карьерасын аяқтады
Жастар клубы Стад Лавланетьен 1986—1990 Тулуза Клуб карьерасы 1990—1992 Тулуза 26 (-34) 1992—1995 Олимпик Марсель 106 (-83) 1995—2000 Монако 143 (-138) 2000—2003 Манчестер Юнайтед 92 (-88) 2004—2006 Олимпик Марсель 74 (-76) 2007 Нант 14 (-22) Ұлттық құрамы 1994—2006  Франция 87 (-49)
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Карьерасында "Тулуза", "Монако", Манчестер Юнайтед", "Нант" командаларының қақпасын қорғаған.

Карьерасы

Ұлттық құрама

Ұлттық құрама сапында 1994, 2006 жылдары ойнады. Алғашқы ойынын 1994 жылы 26 мамыр Аустралияға қарсы өткізді. 1996 жылғы Еуропа чемпионатына барғанымен, Бернар Ламаның көлеңкесінде қалып, қосалқы құрамды отырды. Ал, 1998 жылғы әлем чемпионатына дейін негізгі қақпашы ретінде құрамаға орнығып үлгерді. Чемпионаттағы жеті ойынның бәрінде де алаңға шығып, екі доп қана жіберді (оның біреуі пенальтиден). Бұл чемпионатта Франция құрамасы алтын жүлдені иеленді.

Бартез ЕУРО-2000, ӘЧ-2002, ЕУРО-2004 турнирлеріне негізгі қақпашы ретінде барып, орнан ешкімге бермеді. ЕУРО-2004 турниріндегі Францияның сәтсіздігінен соң құрамадағы карьерасын аяқтады. Бірақ ӘЧ-2006 іріктеуінде құрама тым нашар ойнап, Бартез Франция Футбол федерациясының өтінішімен құрамаға қайта оралды. Оның керемет ойыны Францияға әлем чемпионатына жолдама әперді.

2006 жылғы әлем чемпионатында Бартез барлық ойында құрама қақпасын қорғады. Құрама финалда Италиямен тең ойнады да, пенальтилер сериясында ұтылып қалды. Бартез бір соққыны да қайтара алмай, күміс жүлдені қанағат тұтты.

Осы ойыннан соң Бартез құрамадағы карьерасын біржола аяқтады.

Жетістіктері

Командалық

Олимпик (Марсель)

• Чемпиондар лигасы: 1992/93
• УЕФА кубогының финалисі: 2003/04
• Интертото кубогы: 2005

Монако

• Франция чемпионы: 1996/97, 1999/00
• Франция суперкубогы: 1997

Манчестер Юнайтед

• Англия чемпионы: 2000/01, 2002/03

Франция құрамасы

• Әлем чемпионы: 1998
• Еуропа чемпионы: 2000
• Конфедерация кубогы: 2003
• Әлем чемпионатының күміс жүлдегері: 2006

Жеке

• Лев Яшин жүлдесінің иегері: 1998
• Әлем чемпионатының симвликалық құрамы: 1998
• УЕФА версиясы бойынша Еуропаның үздік қақпашысы: 1998
• МФФИИС версиясы бойынша әлемнің үздік қақпашысы: 2000
• Еуропа чемпионатының символикалық құрамы: 2000
• Құрмет легионы орденінің кавалері: 1998

Дереккөздер

1. https://www.worldfootball.net/player_summary/fabien-barthez/
2. https://www.transfermarkt.com/transfermarkt/profil/spieler/3289

Сілтемелер

• Профилі (ағыл.)