Сарықұлжа (тау, Ақтоғай ауданы)

Сарықұлжа – Бектауата тауларының солтүстік-батысындағы тау.

Сарықұлжа
Сипаттамасы
Пайда болған кезеңі	Палеозой
Ұзындығы	8 км
Ені	5,5 км
Биіктігі	1082 м
Орналасуы
47°27′52″ с. е. 74°46′49″ ш. б. / 47.46444° с. е. 74.78028° ш. б. / 47.46444; 74.78028 ^(G) ^(O) ^(Я)Координаттар: 47°27′52″ с. е. 74°46′49″ ш. б. / 47.46444° с. е. 74.78028° ш. б. / 47.46444; 74.78028 ^(G) ^(O) ^(Я)^(T)
Елдер	Қазақстан, Қарағанды облысы Ақтоғай ауданы
Сарықұлжа
Сарықұлжа

 Басқа мағыналар үшін Сарықұлжа деген бетті қараңыз.

Географиялық орны

Қарағанды облысы Ақтоғай ауданы Қаработа ауылынан солтүстік-батысқа қарай 10 км жерде орналасқан.

Жер бедері

Абсолюттік биіктігі 1082 м. Күрделі пішінді тау бойлық бағытта 8 кмге созылған, енді жері 5,5 км. Беткейлері тік жартасты. Оңтүстік-шығысында 3 км жердегі Бектауата тауларында Бектауата үңгірі орналасқан. Оңтүстік-батыс етегінде Бектауата демалыс үйі жайласқан.

Геологиялық құрылымы

Жер қыртысы жоғарғы палеозойдың қызғылт гранит, гранодиориттерінен түзілген. Оның бетін делювийлі-пролювийлі шөгінділер жапқан.

Өсімдігі

Тау етегінің қиыршықтасты қоңыр, сұрғылт топырағында қара баялыш, жусан, тасбұйырғын басым қуаң шөлейт далаға тəн өсімдіктер өскен. Баурайы мал жайылымына пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5