Полиэфирлер

Полиэфирлер — макромолекула тізбегінде жай және күрделі эфирлердің функционалды тобы кездесетін полимерлер. Полиэфирлер , және , болып бөлінеді. Жай полиэфирлер HO—[—R—O—]n—H, мұндағы R құрылысы әр түрлі көмірсутек радикалы (мысалы, полиоксиметилен, пентон, эпоксид шайырлары, полифениленоксид, т.б.). Бұл циклді оттекті қосылыстарды полимерлену және гликольдерді поликонденсациялау нәтижесінде алады. Қышқылдарда жеңіл гидролизденеді, сілтіге тұрақты. Күрделі полиэфирлер H—[—OAO—CO——A`—CO—]n—OH мұндағы А — көмірсутек радикалы, A` — органик. немесе бейорганикалық қышқылдардың қалдығы (мысалы, полиэтилентерефталат, нуклеин қышқылдары, даммар, янтарь, т.б.). Бұларды гликоль мен екі негізді немесе оттекті қышқылдарды поликонденсациялау, циклді эфирлерді гидролизді полимерлеу, т.б. жолдармен алады. Суда ерімейді, органикалық еріткіштерде ериді. Полиэфирлер желім, талшық (лавсан, терилен, дакрон), пленка, сыр-бояу, т.б. өндіруде қолданылады.

Дереккөздер

• Қазақ энциклопедиясы

1. Қазақстан энциклопедиясы, VII-том