Галстук түрлі материалдан табиғи және жасанды жібектен жүн маталардан және басқалардан тігіледі Галстуктың бірнеше түрі

Галстук — түрлі материалдан: табиғи және жасанды жібектен, жүн маталардан және басқалардан тігіледі. Галстуктың бірнеше түрі бар: өзіміз байлайтын, регат, бант және т. б. Неғұрлым көп таралғаны — өзіміз байлайтын галстук. Галстуктың түсі мен өрнегі костюм мен жейденің түсіне сәйкес келуі керек. Бір түсті көйлектерге түрлі-түсті галстук, ал жолақ өрнекті көйлектерге неғұрлым бір өң галстуктер сәйкес келеді. Ашық түсті костюм кигенде, бояуы қанық галстук таққан дұрыс. Мысалы, ақ көйлек пен боз костюм кигенде, көк, жасыл, ашық немесе ашық көгілдір түсті көйлекпен көк костюм кигенде көк, қоңыр-қызыл, боз және көгілдір түсті галстук тағу керек; ашық түсті көйлекпен қара костюм кигенде тым анық немесе ала-құла түсті галстук тағу жөнсіз; сұр костюмге сарғылт, ақ сары және жасыл түсті галстук пен көйлек лайық; клеткалы, жолақ сызықты костюмдерге бір түсті галстуктер сәйкес келеді. Галстукты түрлі тәсілдермен байлауға болады.

Регат-галстук, немесе фабрикадан түйінделіп шыққан галстуктың арт жақтан, жағалық астынан ілінетін ілгегі мен резеңке бауы болады. Басқа бояулы түрлері түрлі-түсті костюммен киіледі. Түрліше түйінделіп байланады. Галстуктың және оның түйінінің үлкен-кішілігі, бояу түрі модаға қарай өзгеріп отырады.

Дереккөздер

Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9